Wismichu na Radio Galega

Esta tarde no programa Banda Ancha da Radio Galega puidemos falar uns minutiños co youtube máis coñecido da Coruña e parte do estranxeiro, o carismático Wismichu, que conta con...

Esta tarde no programa Banda Ancha da Radio Galega puidemos falar uns minutiños co youtube máis coñecido da Coruña e parte do estranxeiro, o carismático Wismichu, que conta con máis de 219 milleiros de subscritores en YouTube e acumula máis de 7,4 millóns de reproducións dos seus vídeos.

O fenómeno youtuber pode ser algo efémero, pero Wismichu parace saber levalo ben, e espero que manteña o pulo durante moito tempo, pois aínda que o seu estilo poida parecer demasiado agresivo, está dentro dunha linguaxe que moitos compartimos, e que fai que podamos botar unhas risas de cando en vez, que non é pouco.

Grazas á porta que abre a Rede podemos ter hoxe a figuras como David Perdomo en V Televisión, e espero que Wismichu vaia polo mesmo camiño, convertendo o que comezou como unha afección, no camiño a unha profesión para a que non parece que lle falte nin vocación nin talento.

Non podo deixar de agradecer a Jimmy de PixFans por falarme de Wismichu e incluso facilitarme o seu contacto. Espero que isto sexa só un primeiro chanzo para visibilizar a imaxe de Wismichu entre a xente da rúa que normalmente é allea ás tendencias na Rede. Así, para quen non coñeza a Wismichu, recoméndolle que bote unha ollada a algúns dos seus vídeos como o seguinte:

Comentarios

Chíos e rechouchíos

ENTRADAS RELACIONADAS

  • Queremos tarifas planas de banda deseñada?

    Non hai dúbidas en que estamos chegando a un momento no que as plataformas de subscrición para acceder a contidos baixo demanda saturan a calquera, sendo impensable que un...
  • Adeus a Allo

    En 2016 produciuse unha curiosa coincidencia, xa que Google estreou unha aplicación de mensaxería instantánea enriquecida con elementos multimedia chamada Allo mentres que os de Gadis lanzaron a campaña...
  • O podcasting posto en valor

    Hai algo máis dun ano os oíntes do podcast La Órbita de Endor (LODE) coñecemos un experimento de iVoox a través do que ofrecíanse subscricións de pagamento, e finalmente...
  • Muuu (son unha vaca)

    Amala Zandile Dlamini, ou Doja Cat, é unha cantante californiana de 22 anos que conseguiu certo éxito en 2014, como demostra que o seu vídeo So High superase os...