Melindres, ricos e café para adozar a fin de semana en Melide

A vindeira fin de semana en Melide vai celebrarse a primeira edición do MelindresRicos & Coffee Tour nunha serie de establecementos da vila, facilitando aos veciños a que, por 1,5 euros poidan gozar dunha experiencia de maridaxe entre a repostería artesá melidense e cafés moi especiais.

Quen realice o mellor combinado recibirá como premio o seu peso en quilos de café (teñen sorte de que eu non participe) e os establecementos que formarán parte desta orixinal xira que serve de anticipo á Festa do Melindre do segundo domingo de maio son os seguintes:

• Cafeteria Estilo
• Pizzería Xoldra
• Hotel Carlos 96
• Bodegón Alongos II
• Cafe Bar Cire
• Pousada Chiquitín
• Restaurante Novo Continente
• Cafe Bar O Cantón
• Cafetería Trinidad
• Cervexería A Fundacion

E que a ninguén se lle ocorra mollar os melindres no café, ¡que nos coñecemos! [icon icon=”0034.png”][/icon]

Comentarios