3ª edición da feira de oportunidades Mercamelide

Esta fin de semana tivemos en Melide a 3ª edición de Mercamelide, a feira de oportunidades que parece querer manter unha periodicidade semestral, pero sospeito que desta quenda as...

3ª edición de Mercamelide
Esta fin de semana tivemos en Melide a 3ª edición de Mercamelide, a feira de oportunidades que parece querer manter unha periodicidade semestral, pero sospeito que desta quenda as cousas non foron tan ben coma en pasadas entregas, non porque os prezos non fosen bos, senón porque esta fin de semana fixo un frío que nin diola.
Estufas en Mercamelide
No Pazo de Congresos incluso tiveron que instalar unhas orixinais estufas para quecer un pouco o enorme local, o que era unha tarefa titánica (éche o que teñen os teitos altos), polo que o normal era percibir dentro do local a mesma temperatura que na rúa.
Moito téxtil en Mercamelide
Eu pasei por alí tanto o sábado pola tarde coma o domingo pola mañá, e o primeiro día pareceume que non había unha alma, pero tamén foi un momento no que a temperatura estaba achegándose aos 3 graos centígrados. O domingo, por outra banda, a afluencia de público parecía boa, aínda que o interese dos clientes polos distintos establecementos presentes era moi desigual. Vaia, que así é normal que cada un fale da feira segundo cómo lle foi nela, e supoño que algunha tenda sairía moi satisfeita das dúas xornadas de venda consecutivas.
xeradores á venda en Mercamelide
Para min, o máis destacable da feira de oportunidades foi ver cómo facían acto de presenza uns produtos que neste inverno son a última moda: os xeneradores eléctricos. Os cortes de luz por mor dos temporais (que ameazan con repetirse) fixeron que un dispositivos pouco populares vendesen máis que nunca. Coido que a partires deste ano serán poucos os fogares fóra da vila que non conten con un para as emerxencias.

¿E vós? ¿Atopáchedes algunha ganga? ¿Tivéchedes unha percepción distinta do que foi esta última edición de Mercamelide?

Comentarios

Chíos e rechouchíos

ENTRADAS RELACIONADAS