Iron Man 3 xa ten un novo trailer

Hoxe a Rede está a tremer pola estrea do novo trailer de Iron Man 3, filme que promete estar francamente ben polo que podemos ver, e aínda que na...

Hoxe a Rede está a tremer pola estrea do novo trailer de Iron Man 3, filme que promete estar francamente ben polo que podemos ver, e aínda que na meirande parte de imaxes promocionais digan que se estrea o 3 de maio, tal data é para os EE.UU., pois en España, e sen que serva de precedente, imos ter a película o 26 de abril.

Ao parecer a estrea repártese mundialmente entre os días 18 de abril e 10 de maio, o que sospeito que pode facerlle bastante dano (¿aínda non aprenderon da necesidade de aproximar as estreas internacionais?).

A película promete rachar coa pana, pois non só veremos a Tony Stark baténdose contra o Mandarín coa axuda de Iron Patriot, senón que no trailer tamén podemos ver como a grande colección de armaduras non quedarán no armario durante o combate, no que promete ser un enfrontamento mítico:

Pero a min houbo un detalle  do trailer que resultoume moi rechamante. Por favor, comparade as seguintes imaxes:

¿Fixádesvos no móbil que emprega o reporteiro na primeira imaxe? Un dispositivo con formato de cuncha que parece un móbil básico de hai 6 ou 7 anos, para aparecer un smartphone na súa man na seguinte secuencia. ¿Será que dende a Marvel están a ofertar o espazo na película para que os fabricantes de móbiles coloquen o seu smartphone alí de lanzar algún novo modelo durante a estrea da película? Eu diría que si, pero é que son moi mal pensado.

Ah, e o cartel promocional do filme tampouco está nada mal:

Comentarios

Chíos e rechouchíos

ENTRADAS RELACIONADAS

  • Queremos tarifas planas de banda deseñada?

    Non hai dúbidas en que estamos chegando a un momento no que as plataformas de subscrición para acceder a contidos baixo demanda saturan a calquera, sendo impensable que un...
  • Os Vingadores non iniciaron o lume

    A capacidade de mobilización que teñen os grandes programas de televisión nos EE.UU. non deixa de sorprender, principalmente porque manteñen o seu pulo no tempo, cando en España hai...
  • Adeus a Allo

    En 2016 produciuse unha curiosa coincidencia, xa que Google estreou unha aplicación de mensaxería instantánea enriquecida con elementos multimedia chamada Allo mentres que os de Gadis lanzaron a campaña...
  • Capitana Marvel, a película máis prometedora de Marvel Studios

    O Capitán Marvel era un personaxe moi tópico, que curiosamente tivo unha época na que intercambiaba o seu corpo con Rick Jones (lembrando a Thor ou ao propio Capitán...