Como adianto do disco Endless Fantasy que chegará na primavera, en iTunes xa temos dispoñible para a súa compra o tema Meow de Anamanaguchi, banda de rock de 4 compoñentes que empregan para as súas composicións chiptune os sons dixitalizados da clásica consola de videoxogos NES e que conseguiu sona internacional ao
seren os encargados da banda sonora do videoxogo inspirado na película de Scott Pilgrim contra el Mundo.
A nova canción está moi ben, pero o seu video musical é aínda mellor, cunha chea de personaxes tópicos en situacións moi absurdas e divertidas e con imaxes de videoxogos clásicos polo medio, dando lugar a toda unha peza digna de admiración para calquera friki que coñeza a cultura dos videoxogos.
Os meus momentos favoritos son o dos góticos na piscina de bolas, o do Furby voando e a aparición de máquinas recreativas como o xogo de baloncesto ou o hókey de aire. Meow!!!
Debe estar conectado para enviar un comentario.