18 Decembro, 2012
YouTube vén de publicar a súa
retrospectiva do ano, e para celebrar o seu repaso de 2012 convidaron a varias estrelas de YouTube (entre as que non falta PSY) para un divertidísimo vídeo no que mesturan as cancións Gangnam Style e Call Me Maybe para permitir botar unha vista atrás e lembrar os temas que centraron a actualidade audiovisual. Dende os videoxogos de moda ata a exploración de Marte, pasando polo salto dende a estratosfera conseguiron facerse un sitio neste vídeo dirixido por Peter Furia que está chamado a ter bastante éxito por méritos de seu.
