«Why is your screen so small?»

Facer risa dos fanboys que defenden a morte os cambiantes argumentos comerciais de Apple tivo o seu aquel no vídeo titulado Shit Apple Fanatics Say, e agora temos a...

Facer risa dos fanboys que defenden a morte os cambiantes argumentos comerciais de Apple tivo o seu aquel no vídeo titulado Shit Apple Fanatics Say, e agora temos a súa contrapartida con Android, dando lugar a situacións que dentro do contorno friki-tecnolóxico son máis frecuentes do que sería desexable. Iso si, algunhas das frases que solta o actor do vídeo son bastante simpáticas (aínda que as situacións nas que as solte resulten principalmente patéticas).

Ese tipo de fanatismos téñoos visto con terminais BlackBerry (confeso que hai xa bastantes meses), e agora estou a agardar a que pase o mesmo con dispositivos con Windows Phone. Os fabricantes de tecnoloxía, ¿terán guionistas que preparen os seus argumentarios coma se fosen partidos políticos para dar pé aos enfrontamentos dialécticos entre os seus seguidores máis fanáticos? ¿Pasaría algún fabricante a proba da hemeroteca?

E se non chegou con rir dos fanáticos de Android, velaquí o vídeo que se metía cos de Apple:

A segunda parte tamén está bastante ben:

Comentarios

Chíos e rechouchíos

ENTRADAS RELACIONADAS

  • Oregón TV tivo un ano moi tecnolóxico

    Hai anos que non menciono as cancións paródicas de Oregón TV (as súas parodias de Los Panchos e Micky son moito!), pero están a ter un 2019 tan completo...
  • Adeus a Allo

    En 2016 produciuse unha curiosa coincidencia, xa que Google estreou unha aplicación de mensaxería instantánea enriquecida con elementos multimedia chamada Allo mentres que os de Gadis lanzaron a campaña...
  • A outra Ana

    Hai un par de semanas estreouse en España o servizo Amazon Locker, que permite que os usuarios de Amazon como dirección de envío dos seus paquetes, en vez de...
  • O tratamento informativo do WannaCry dáme ganas de chorar

    O pasado venres convidáronme a participar no programa Área Pública da TVG para explicar un pouco o problema co ransomware que tiveron na sede central de Telefónica, causando un...