Documental sobre Steve Jobs en Discovery Max

Esta noite a canle Discovery Max, dispoñible en aberto na TDT, botará ás 22:30 horas o documental Steve Jobs, el hombre que revolucionó el mundo (iGenious: How Steve Jobs...

Esta noite a canle Discovery Max, dispoñible en aberto na TDT, botará ás 22:30 horas o documental Steve Jobs, el hombre que revolucionó el mundo (iGenious: How Steve Jobs Changed the World), que presenta numerosos testemuños sobre a figura do co fundador de Apple e que pode resultar interesante para moitos, aínda que quixera advertir de que é demasiado compracente, resultando máis unha homenaxe que outra cousa.

Despois dese documental, na mesma canle tamén emitirán Revolución iPod, peza na que analizan a revolución que supuxeron os reprodutores multimedia portátil de Apple, que aínda que están lonxe de monopolizar o mercado, foron a icona do cambio que levou á defunción o CD, soporte que botou a andar co álbum 52nd Street de Billy Joel hai 30 anos casualmente un 1 de outubro.

A estrea destas reportaxes en aberto lévame a cavilar nunha cousa: ¿terá boa audiencia o programa? Porque o documental en español leva 10 meses rulando pola Rede, polo que o normalmente é que os que teñen un interese grande no mesmo xa o viran pero, ¿lanzaranse moitos a sintonizar Discovery Max polo mero feito de tuitear sobre o tema pola noite? Supoño que máis dun seareiro da compañía da mazá fará tan, ¿verdade?

Comentarios

Chíos e rechouchíos

ENTRADAS RELACIONADAS

  • Jon Secada no Luar

    E se Jon Secada fose un youtubeiro?

    O 13 de setembro foi un día moi especial na Televisión de Galicia xa que volveu á grella da programación o programa Luar contando coa presenza excepcional de Jon...
  • Novo viral da TVG

    Na Televisión de Galicia hai momentos que pasan á historia, como cando en 2007 ao reporteiro Alberto Mancebo unha nena nunha gardería espetou un sonoro «nos pegan» ou cando...
  • Un mundo infernal

    Unha das series de televisión de máis éxito da miña infancia foi Dragones y Mazmorras, da que incluso puidemos ver adaptación en banda deseñada da serie e incluso unha...
  • Queremos tarifas planas de banda deseñada?

    Non hai dúbidas en que estamos chegando a un momento no que as plataformas de subscrición para acceder a contidos baixo demanda saturan a calquera, sendo impensable que un...