¿Poden os cans ver a televisión? ¿E en 3D?

Os tolos de LG atoparon un xeito moi divertido de amosar os seus televisores con LG Cinema 3D empregando cans: O vídeo resultoume simpático, pero teño a impresión de...

Cadelo con lentes 3D
Os tolos de LG atoparon un xeito moi divertido de amosar os seus televisores con LG Cinema 3D empregando cans:

O vídeo resultoume simpático, pero teño a impresión de que estamos ante casos de cans adestrados, por varios motivos:
– os cans teñen problemas para interpretar as imaxes dos televisores debido a que a animación non é real (son imaxes consecutivos con certo pestanexo) aínda que hai quen di que con pantallas cunha taxa de refresco moi elevada algunhas razas de can saben ver a imaxe en pantalla
– dubido que un animal poida distinguir a outro nunha pantalla se non aparece a un tamaño real, pois non teñen a capacidade de abstración das persoas (que estamos educadas para entender ese tipo de fiestras)
– os cans están a ver o televisor dende un ángulo moi baixo (o que coa tecnoloxía de LG xera ghosting polo que moi ben non deberían de ver)
– tamén resulta difícil de crer que nun escenario cheo de xente mirando, en 3D de verdade, os cans do vídeo dirixan a mirada a unha pantalla
can mirando para un televisor
Entendo que os cans están adestrados para reaccionar dese xeito pero, ¿acaso importa? O vídeo é gracioso, e punto. Quería aproveitalo para preguntar: ¿o voso can reacciona ao que botan na tele? Está claro que si o fai cos sons (se escoitan a outro can laiando ou ouveando en vídeo) pero, ¿simplemente á imaxe? Ah, e ¿víchedes algún can enganchado aos Simpson, a Shin Chan ou a Scooby Doo? 😉

Comentarios

Chíos e rechouchíos

ENTRADAS RELACIONADAS

  • A CIA non me espía 😪

    Esta mañá achegueime ao programa A Revista Fin de Semana da Televisión de Galicia, para falar das últimas filtracións de WikiLeaks, nas que daban a entender de xeito sensacionalista...
  • Xabaríns na USC

    A semana pasada en Código Cero dimos conta da estrea do xogo Xabaríns na USC, do tolambrán Juan Gestal, a quen ultimamente temos facendo das súas pola cidade da...
  • Los Nativos Digitales No Existen en Compostela

    O pasado venres foi a presentación en Santiago de Compostela do libro Los Nativos Digitales No Existen, e aproveitando o evento na cidade, Javier Pedreira Wicho e Fátima García...
  • LGx15 en YouTube

    O pasado 24 de novembro celebrouse a segunda edición do LGx15 organizado pola Coordinadora de Traballadores de Normalización da Lingua (CTNL), e nas últimas semanas foron subindo á súa...