Onte pola noite sorprendeume ver que dende o Foro Aberto da TVG conseguiron que un representante da SGAE acudise ao programa a defender a postura da súa entidade sobre temas como a polémica da representación da obra de teatro Bodas de Sangre por parte duns alumnos do Zalaeta:
En xeral a intervención de Javier Vidal foi decepcionante, pois limitouse a argumentar que a SGAE opera cumprindo coa legalidade vixente. Se deixamos a cousa aí, claramente non hai debate, nin desto nin da política, o fútbol ou o case calquera tema, pois o público non está molesto porque a SGAE estea composta por unha chea de criminais, senón porque actúan dun xeito moi discutible.
Dá a impresión de que o único xeito de racionalizar a SGAE será cambiando a Lei da Propiedade Intelectual, e para que un futuro cambio lexislativo vaia en favor dos cidadán podemos agardar sentados se atendemos a iniciativas coma o ante-proxecto de Lei de Economía Sustentable. 🙁
2 Marzo, 2010
