Ordenadores obsoletos para difundir as TIC

Cando leo algunhas informacións sobre a dinamización TIC en Galicia tendo a pensar que vaise por bo camiño, xa que os sectores produtivos da sociedade van entendendo o que...

exterior do camión DifundeTic
Cando leo algunhas informacións sobre a dinamización TIC en Galicia tendo a pensar que vaise por bo camiño, xa que os sectores produtivos da sociedade van entendendo o que é iso da Internet, e as portas que abre, de aí que aplauda iniciativas coma o proxecto DifundeTic (aínda que non guste do feito de que escriban dúas letras dun acrónimo en minúscula).
A miña sorpresa é cando vexo á secretaria xeral de Modernización e Innovación Tecnolóxica, Mar Pereira, e ao presidente de AGESTIC, José María López, visitando o autobús do proxecto:
interior do camión DifundeTic
¿Por qué estou flipando en cores? Porque, en primeiro lugar, parecíame raro ver unha pantalla CRT nun equipo informático actual, pero ao fixarme caín na conta de que estaba a ver un iMac G3 de 1999. E chego a precisar o ano porque no 2000 estes equipos tiñan unha lectora de CD slot-in. Ou sexa, que para adentrar aos empresarios nas tecnoloxías da información e da comunicacións están a utilizar uns equipos baseados en procesadores PowerPC a entre 233 e 333 MHz cun mínimo de 32 Mb de RAM, lector de CD-ROM, sistema operativo Mac OS 8.5 (ou superior) e unha pantalla de 15 polgadas (con só 13,8 polgadas visibles), ou sexa, uns ordenadores nos que moitas das páxinas web actuais non cargan nin de coña, que utilizan un sistema operativo irrecoñecible (os Mac OS 8 e 9 son moi diferentes do Mac OS X) e que, pese a ser un dos equipos máis sinxelos e fermosos da historia (tanto os primeiros iMac coma os primeiros iBook foran unha marabilla do deseño), hoxe en día están moi lonxe de ser válidos para traballar, e deberían estar nun museo.
autobús de galiciadixital.com no MITEPúxenme a revisar as novas relativas a autobuses deste tipo en Galicia, e resulta que teñen o todos o mesmo equipamento, polo que entendo que a compañía que xestiona o autobús de AGESTIC bótalle moito morro ao asunto, pois leva máis de 10 anos sen renovar os seus equipos. De feito, facendo memoria, coido lembrar cando botou a andar ese trasto, e sería nos tempos do MITE de Silleda, cando estaba presente o autobús de Galicia Digital, equipado con equipos de Apple.
Entendo así que os responsables do autubús supostamente tecnolóxico (eu definiríao coma arqueolóxico) levarían uns cantos anos tomándolle o pelo á Administración galega, pois tanto a Xunta actual como a do bipartito empregaban este vehículo (baixo distintos nomes) para impartir formación pola xeografía galega. Se os políticos soubesen onde se meten cando van botar unhas fotos no devandito autobús, de seguro que non deixaban que os retratasen entre unha serie de equipos que contradín a mensaxe que queren transmitir á sociedade.

O lado positivo de todo isto é que demostrarían que os ordenadores de Apple son capaces de seguir funcionando despois de máis de 10 anos de uso constante e recibindo moita caña (móvense moito e os seus usuarios non teñen experiencia). ¡Un dez para os iMac G3!

Comentarios

Chíos e rechouchíos

ENTRADAS RELACIONADAS

  • A CIA non me espía 😪

    Esta mañá achegueime ao programa A Revista Fin de Semana da Televisión de Galicia, para falar das últimas filtracións de WikiLeaks, nas que daban a entender de xeito sensacionalista...
  • Xabaríns na USC

    A semana pasada en Código Cero dimos conta da estrea do xogo Xabaríns na USC, do tolambrán Juan Gestal, a quen ultimamente temos facendo das súas pola cidade da...
  • Los Nativos Digitales No Existen en Compostela

    O pasado venres foi a presentación en Santiago de Compostela do libro Los Nativos Digitales No Existen, e aproveitando o evento na cidade, Javier Pedreira Wicho e Fátima García...
  • LGx15 en YouTube

    O pasado 24 de novembro celebrouse a segunda edición do LGx15 organizado pola Coordinadora de Traballadores de Normalización da Lingua (CTNL), e nas últimas semanas foron subindo á súa...