Sintonizador de TDT con gravación por USB de oferta

Nos últimos días varios xornais lanzaron promocións de receptores de TDT coa posibilidade de gravar o sinal televisivo en unidades de memoria USB ou discos duros externos, xuntando cupóns...

Sintonizador de TDT con gravación
Nos últimos días varios xornais lanzaron promocións de receptores de TDT coa posibilidade de gravar o sinal televisivo en unidades de memoria USB ou discos duros externos, xuntando cupóns e pagando uns 30 euros, pero a xente de APP Informática vén de lanzar unha impresionante promoción ata o 27 de agosto (ou fin de unidades) a través da que venden o sintonizador NPG DTR 506C PVR por só 25 euros, polo que non hai que andar pendente de cupóns nin nada semellante para ter un trebello moi interesante, que serve tanto para gravar da tele (con calidade dixital) como para reproducir películas en DivX (coido que non soporta audio en AC3, aínda que iso non é moi importante, e o compensa sobradamente ao ter un porto USB 2.0, o que fai que certos vídeos non vaian a tiróns).
Gravar en memorias USB ou en discos duros externos é habitualmente mellor que gravar nun disco duro interno, pois permite copiar logo os vídeos ao ordenador para recompilalos en DVD, quitar os anuncios ou comprimir as gravacións a DivX. Vaia, que quen pense en mercar un receptor de TDT, esta opción resulta moi atractiva.

Comentarios

Chíos e rechouchíos

ENTRADAS RELACIONADAS