Novidades sobre o consumo enerxético en RadioVoz

Hoxe no programa Voces de Galicia de RadioVoz tocou falar da nova tarifa plana 3G de Simyo (a mellor oferta do mercado para que teña boa cobertura de Orange), o servizo Tu Sello de Correos e un par de detalles sobre o consumo de enerxía:

A verdade é que non me decido sobre o que é máis importante: que Dell anuncie que un dos seus portátiles acade unha autonomía de 19 horas ou que un par de monitores de Fujitsu-Siemens consuman 0 vatios en espera (con 0 W entendo que se refiren a menos de 0,1 W, pois algo si que consumen). Ambas noticias poden ter moita repercusión no futuro, pero en sentidos opostos. O consumo de enerxía é así algo que se pode ver dende dúas perspectivas: ou maior duración das baterías dos dispositivos portátiles ou menor consumo en momentos de pouca actividade.
Dende un punto de vista egoísta todos podemos querer dispositivos que manteñan a súa carga durante meses, pero hai que recoñecer que se podemos facer que o consumo de todo o que temos enchufado se reduza tamén podemos beneficiar á nosa economía persoal e ao futuro do planeta.

Comentarios