Corbacho volve hoxe á televisión cun programa que pode ser xenial se atendemos á orixinalidade da súa web, que presenta a aparencia dunha programa feito nun Spectrum, MSX ou calquera outro ordenador de 8 bits dos que tanto se levaban nos anos 80 e que serve para anunciar a estrea do espazo televisivo disparando un contido vírico consistente nun test no que nos fan lembrar a Superratón, Comando G, Verano Azul ou V, e que comigo deu o seguinte resultado:
Continuando con calquera das seguintes 9 imaxes (coido que saen ó azar):
E a verdade é que a web acertou en que fun dos primeiros en mercar a Teleindiscreta cos autocolantes de V. De feito, durante anos un dos mobles do meu dormitoria aínda os conservaba pegados 😉
Sobre o personaxe, admito que ó que máis me parezo é a Alf, pois aínda que non como gatos, os meus chistes son igual de malos.
Por sorte, eu non xoguei nunca coa Botibota, pois ese artiluxio gañou moita sona coma instrumento de tortura (polas hostias nas canelas que daba o trebello cando un non saltaba a tempo, o que era inevitable ó aumentar a velocidade).
O programa promete moito:
Pero admito que o feito de que se anunciase para o día 7 de xaneiro e que se demorase unha semana dá moi mal rollo (¿será que non dan un can por este produto televisivo?).
