¿Paga a pena ver a peli dos Simpson no cine?

Hai pouco máis dunha semana se montou toda unha pirula pola aparición na Rede dunha copia checa da película dos Simpson que amosaba unha calidade de imaxe realmente patética:...

Hai pouco máis dunha semana se montou toda unha pirula pola aparición na Rede dunha copia checa da película dos Simpson que amosaba unha calidade de imaxe realmente patética:
Copia feita da República Checa

Pero agora dende hai un par de días xa circula un DVDscreener da película, que fará que moitos non se molesten en ir ó cine a ver a adaptación dunha serie de televisión á pantalla grande por moito que Bart inste a non descargala da Internet:
Bart pide que non se descargue ilegalmente a súa película
Coido que iso vai afectar seriamente á vida da película nos cines (que non chegará ó mes de setembro) aínda que está claro que hoxe en día só parecen importar as dúas primeiras semanas nas carteleiras (a rotación de películas é moi rápida). A verdade é que quedan aínda pelis moi fortes nos cines, e están a chegar novas estreas que ameazan o éxito da familia de Springfield.

Eu pola miña banda teño que recoñecer que gustei da película, e que me parece que está ó mesmo nivel da serie de televisión notando como único cambio que se empregan técnicas de animación normalmente reservadas para Futurama (serie que tamén volverá pronto).
A pega da película podería estar no feito de que copian detalles dos moitísimos episodios da serie de televisión, pero supoño que poucos se decatarán da reciclaxe. Incluso sospeito que a película non ten ningún chiste orixinal, pero non estou certo diso. O que si podo asegurar é que resulta divertida de ver, e que aínda se pode ver en boas salas de cine… pero a meirande parte da xente preferirá agardar ó DVD (que supoño que chegará no outono) e mesmo ó pase en televisión (que desta volta supoño que será moi rápido).

O máis incrible de todo é que a aparición da peli está revitalizando a serie en Antena 3, acadando moi bos resultados de audiencia pese a estar no verán, polo que temos que dar grazas por tal éxito, xa que así non maltratarán á serie como a outras (Urgencias, Expediente X, Buffy…). Ah, entre as series maltratadas normalmente citaría a Futurama, pero en laSexta dá gusto ver cómo a tratan. Ó final vai resultar que o mellor que lle pode pasar a unha serie é quedar en canles de pago ou en canles de pouca difusión 🙁

Comentarios

Chíos e rechouchíos

ENTRADAS RELACIONADAS

  • Os capos da Galega saltan ao baleiro

    O grupo coruñés Nortones estrea vídeo musical, Salto Al Vacío, da xente de Dreamovie, e que contou con moitas caras coñecidas: Un puntazo poder ver xuntos aos principais capos...
  • Colección friki dun espectador da Galega

    Hai uns días déuseme por recompilar algunhas das películas e series de televisión en DVD, figuras, e outras curiosidades que teño por casa para demostrar que criarse vendo a...
  • Enredando nas noites de Luar

    Durante o verán na revista Código Cero publicamos unha entrevista a Pilar Rodríguez Losada, responsable das redes sociais do Luar, e por se a alguén se lle pasou, pégoa...
  • Novo tráiler de Los Últimos Jedi

    O vindeiro filme da saga galáctica máis célebre de todos os tempos ten por fin un novo tráiler, que ten pinta de estar ateigado de spoilers, aínda que colocando...