Yoigo es verdad de la buena

Para os que non o saiban, este Nadal vai ser o da loita pola telefonía móbil, xa que aparece o cuarto operador de telefonía, Xfera, que finalmente se presentará...

Para os que non o saiban, este Nadal vai ser o da loita pola telefonía móbil, xa que aparece o cuarto operador de telefonía, Xfera, que finalmente se presentará baixo a marca Yoigo, e que xa iniciou as súas activididades cunha interesante campaña publicitaria:
Si, teñen unha tarifas moi sinxelas:
Tarifas de Yoigo
Precisamente as súas tarifas son o que consideran un acto de sinceridade que tamén ilustran nun par de anuncios máis:

Este último spot paréceme que vai ser o que sexa máis comentado, pero tamén parece nacer de certo cinismo (coido que a propia operadora tamén paga menos ás súas empregadas que ós seus empregados).
Para min, o anuncio máis claro é o primeiro, no que explican que cobran o mesmo por chamar a calquera operador móbil, aínda que ó contrario non resulte igual, xa que Movistar xa anunciou que porá recargo nas chamadas a números de Yoigo.

Para os que teñan medo de non ter cobertura podo comentar que Yoigo chegou a un acordo con Vodafone para usar a súa infraestrutura onde non a teñan propia (ou sexa, en case toda España) polo que a nova operadora podería funcionar aceptablemente, aínda que os seus servizos disten moito do que algúns dan en chamar telefonía low cost.
Está aínda por ver se as Operadoras Móviles Virtuais (OMV) traen unha baixada de tarifas significativa, posto que marcas coma Carrefour ou El Corte Inglés van a entrar deste xeito no sector da telefonía móbil, o que garante unhas festas movidiñas para o sector… e un pesadelo para os consumidores, que non saberán qué elixir.
Eu, polo momento, quedarei con Vodafone, pois estou satisfeito coa cobertura e os prezos, cousa que non me pasaba con Amena.

Comentarios

Chíos e rechouchíos

ENTRADAS RELACIONADAS

  • Adeus a Allo

    En 2016 produciuse unha curiosa coincidencia, xa que Google estreou unha aplicación de mensaxería instantánea enriquecida con elementos multimedia chamada Allo mentres que os de Gadis lanzaron a campaña...
  • A outra Ana

    Hai un par de semanas estreouse en España o servizo Amazon Locker, que permite que os usuarios de Amazon como dirección de envío dos seus paquetes, en vez de...
  • A tradución automática invade a tenda de Kindle en galego

    Na miña intervención na pasada edición do LGx15 facía algúns comentarios sobre os tradutores automáticos, dando a entender que facían auténticas desfeitas simplemente porque algúns entenden que son ferramentas...
  • O tratamento informativo do WannaCry dáme ganas de chorar

    O pasado venres convidáronme a participar no programa Área Pública da TVG para explicar un pouco o problema co ransomware que tiveron na sede central de Telefónica, causando un...