Cabaleiros con aquel volve á Galega

Estou que non mexo. Travis avisoume nos conmentarios deste blog que o vindeiro domingo a Galega vai comezar a reemitir a serie Cabaleiros con aquel (The League of Gentlemen)...

Estou que non mexo. Travis avisoume nos conmentarios deste blog que o vindeiro domingo a Galega vai comezar a reemitir a serie Cabaleiros con aquel (The League of Gentlemen) que me pareceu unha das mellores series británicas da historia, coa seguinte sinopse:

Cabaleiros con aquelNa vila de Royston Vasey, unha localidade illada e un tanto peculiar situada no norte de Inglaterra, sucédense as historias dunha veciñanza ben estraña. A través de escenas cómicas e con certo misterio, a audiencia coñecerá o surrealista grupo de persoas que habita na vila.
Entre os personaxes destacan Hilary Briss, o carniceiro que vende carne contaminada cunha substancia misteriosa que causa unha epidemia estraña, Bernice, vigairo malhumorado, alcohólico e que fala sen pelos na lingua, Herr Liss, un profesor de alemán a quen lle gusta intercambiar todo tipo de faldurías co alumnado, e Vinnie e Rennie, dúas señoras maiores que traballan na tenda de caridade da vila e que teñen unhas manías moi extravagantes. Na vila tamén está o veterinario Mr. Chinney, un personaxe con boas intencións que mata accidentalmente todas as criaturas de Royston Vasey.
Mark Gatiss, Steve Pemberton e Reece Shearsmith protagonizan a serie e durante os distintos capítulos conseguen dar vida a uns sesenta personaxes tanto masculinos coma femininos.

Eu teño a serie en DVD (comprada na tenda británica de Amazon) e adóroa tanto na súa versión orixinal como na versión que botaron pola TVG. Estou desexoso de volver a vela en galego, porque a dobraxe merecía a pena.
Xa sabedes, a partires deste domingo este blogue será local (xa o colleredes se vedes a serie).
Deixo aquí un anaquiño da serie, coa miña tenda local favorita:

Comentarios

Chíos e rechouchíos

ENTRADAS RELACIONADAS

  • Novo viral da TVG

    Na Televisión de Galicia hai momentos que pasan á historia, como cando en 2007 ao reporteiro Alberto Mancebo unha nena nunha gardería espetou un sonoro «nos pegan» ou cando...
  • Un mundo infernal

    Unha das series de televisión de máis éxito da miña infancia foi Dragones y Mazmorras, da que incluso puidemos ver adaptación en banda deseñada da serie e incluso unha...
  • Queremos tarifas planas de banda deseñada?

    Non hai dúbidas en que estamos chegando a un momento no que as plataformas de subscrición para acceder a contidos baixo demanda saturan a calquera, sendo impensable que un...
  • O podcasting posto en valor

    Hai algo máis dun ano os oíntes do podcast La Órbita de Endor (LODE) coñecemos un experimento de iVoox a través do que ofrecíanse subscricións de pagamento, e finalmente...