Novo tráiler da película de Wonder Woman

Tras varios teasers que foron poñéndonos os dentes longos, por fin temos o novo tráiler do filme de Wonder Woman protagonizado por Gal Gadot. Desta volta amósanos un chisco...

Tras varios teasers que foron poñéndonos os dentes longos, por fin temos o novo tráiler do filme de Wonder Woman protagonizado por Gal Gadot.

Desta volta amósanos un chisco máis a illas de Themycira e, como acontece nalgún dos arcos argumentais, parece haber algún misterio ao redor da orixe de Wonder Woman (cómpre salientar que na banda deseñada a súa orixe tamén é un lío, e unhas veces é filla natural da raíña Hipólita, outras naceu da lama e noutras incluso é filla do propio Zeus) e, aínda que se deixa ver a algún dos seus inimigos, continuamos ser ver ao que previsiblemente é o seu grande rival á sombra: o deus Ares. Ou sexa, que de aquí ao mes de xuño queda moito por amosar en novos vídeos promocionais.

O que espero que muden é a data de estrea prevista para España, pois fálase do 23 de xuño, cando nos EE.UU. e Reino Unido chegará á grande pantalla tres semanas antes, o que é un tempo esaxeradísimo para unha produción deste tipo, e non quixera ir ver o filme cando xa me tivera tragado corenta spoilers e xa estivesen en circulación copias da película cunha calidade aceptable.

Amais, en Portugal vaise estrear a produción o 1 de xuño, polo que a distancia de datas entre países veciños parece aínda máis difícil de xustificar. Iso si, dubido que sexa o tipo de películas que leve á xente a cruzar a fronteira, pois temos que recoñecer que o número de seareiros das aventuras de Diana é bastante reducido.

Comentarios

Chíos e rechouchíos

ENTRADAS RELACIONADAS

  • San Diego Comic-Con, tráilers a mogollón

    Unha ano máis a Comic-Con de San Diego confirmou que xa non é un evento centrado na banda deseñada, senón na industria do lecer en xeral, de xeito que...
  • Unha semana para Wonder Woman

    A primeiros de mes estreouse nunha chea de países o filme de Wonder Woman, polo que levo moitos meses esperando con ilusión, principalmente para poder comprobar se queda esperanza...
  • ExpOtaku meets Zona Otaku

    A semana pasada sobrevivimos a unha edición máis de ExpOtaku, encontro que non sei como fai para xuntar cada ano a máis xente. Eu só puiden achegarme o venres...
  • Supergirl promociona o filme de Wonder Woman

    A pasada noite a serie de televisión de Supergirl despediu a súa segunda tempada, e aproveitaron a ocasión para facer publicidade do novo filme de Wonder Woman protagonizado por...