Onte foi unha data moi especial para a radio coruñesa, xa que Onda Cero, RadioVoz, RNE, COPE, Radio Marca, Radio Coruña-Cadena SER e Radio Galega uniron forzas por cuarto ano consecutivo para celebrar A Radio Conta, un encontro solidario que este ano recadaba fondos para a Asociación Agalure (contra a ludomanía).
Eu non puiden acudir a todo programa, xa que coincidía coa miña intervención en directo no programa A Tarde da Radio Galega, polo que agradezo especialmente que publicasen na Rede unha gravación para poder recuperar a experiencia en diferido.
Conseguiron organizar un espectáculo moi divertido, ao que contribuíron figuras como Os da Ría ou Curtis e Teixeiro:
Non faltou Sés cantando, e incluso Paco Lodeiro achegouse até o Teatro Rosalía de Castro para encarnar a Paco Vázquez e entrevistar ao alcalde actual, Xulio Ferreiro, «de los Ferrero Rocher de toda la vida», ese home que viste un look a medio camiño «entre el chorvito formal y el purilocho moderno»:
O peche chegou da man de Marcos San Luís e Antía Díaz entrevistando a Martiño Rivas:
Todo un pracer poder ver en persoa como no mundo da radio en Galicia hai máis compañeiros que adversarios.
Debe estar conectado para enviar un comentario.