A serie de Supergirl déixase ver

Os da Warner están que non mexan, e aínda que no cine non son quen de consolidar o Universo DC, en televisión están a facer un traballo moito mellor,...

Supergirl

Os da Warner están que non mexan, e aínda que no cine non son quen de consolidar o Universo DC, en televisión están a facer un traballo moito mellor, e xusto agora que The Flash e Arrow demostraron facer unha combinación gañadora, collen a parte dos seus directores  e guionistas e encárganlles facer algo semellante con Supergirl, dando a impresión no seu vídeo de presentación que atinaron co ton dunha superheroína luminosa, moi afastada do Superman do cine, e máis na liña de Flash, con toques femininos que prometen darlle unha identidade de seu.

Reparto arriscado

Kara e James Olsen

Para esta serie a CBS confiou en Melissa Benoist para pórlle rostro a Kara/Supergirl, o que non parecía moi atinado até que puidemos vela en acción. O mesmo poderiamos dicir de Calista Flockhart (Cat Grant) ou Mehcad Brooks (James Olsen), pois Ally McBeal non parecía encaixar no rol de loba de Cat e o de pór un Olsen negro xa cheiraba a tópico (en Smallville fixeran o mesmo con Pete Ross), pero en pantalla non quedan mal.

Cat Grant

Iso si, imos ter que agardar a novembro para ver esta serie os luns pola noite (ou sexa, os martes en España), o que resúltame algo raro, xa que ese é o día no que se emite Gotham na Fox, e pareceríame raro que fixeran coincidir dúas series de personaxes de DC na grella. Entendo que The Flash manterase nos martes e Arrow nos mércores, de xeito que non me sorprendería que movesen Gotham aos xoves ou venres.

Comentarios

Chíos e rechouchíos

ENTRADAS RELACIONADAS

  • Colección friki dun espectador da Galega

    Hai uns días déuseme por recompilar algunhas das películas e series de televisión en DVD, figuras, e outras curiosidades que teño por casa para demostrar que criarse vendo a...
  • Enredando nas noites de Luar

    Durante o verán na revista Código Cero publicamos unha entrevista a Pilar Rodríguez Losada, responsable das redes sociais do Luar, e por se a alguén se lle pasou, pégoa...
  • San Diego Comic-Con, tráilers a mogollón

    Unha ano máis a Comic-Con de San Diego confirmou que xa non é un evento centrado na banda deseñada, senón na industria do lecer en xeral, de xeito que...
  • Unha semana para Wonder Woman

    A primeiros de mes estreouse nunha chea de países o filme de Wonder Woman, polo que levo moitos meses esperando con ilusión, principalmente para poder comprobar se queda esperanza...