Recomendación comiqueira para o Día do Libro

Ante a celebración do Día do Libro, gustaríame recomendar a compra dunha obra de banda deseñada que está a piques de chegar ás tendas, El Infierno del Dibujante, unha...

El Infierno del Dibujante

Ante a celebración do Día do Libro, gustaríame recomendar a compra dunha obra de banda deseñada que está a piques de chegar ás tendas, El Infierno del Dibujante, unha obra de Kiko da Silva que en xuño do ano pasado gañou o IX Premio de Banda Deseñada Castelao, o que valeulle ao autor un premio de 6.500 euros e a publicación da obra por parte da Deputación da Coruña, pero como os da Deputación son máis lentos que feitos de encarga, O Inferno do Debuxante continúa a ser unha obra inédita, e chegará antes a súa edición en español da man de Dibbuks, que ten previsto o seu lanzamento para o vindeiro luns a un prezo de 16 euros.

Páxina de mostra de O Inferno do Debuxante

Páxina de mostra de O Inferno do Debuxante

El Infierno del Dibujante conta a historia dun debuxante de 72 anos que leva toda a vida dedicada a crear bandas deseñadas que nunca chegan a ser publicadas, pois cada vez que fai algo descubre que alguén se lle adiantou e publicou unha obra igual á súa. Ten así un grande reto vital: debuxar algo antes de que se lle adiante. Conseguirao? Haberá que descubrilo a través das 64 páxinas a toda cor coas que Kiko da Silva parece ter atinado bastante, pois o diario El País incluíu esta obra entre as 10 imprescindibles da pasada edición do Saló del Còmic de Barcelona.

En breve Kiko xirará pola xeografía galega para promocionar a súa obra, e espero poder achegarme a algunha das presentacións para coñecer algún detalle máis do que promete ser un dos mellores álbums do ano, do que espero que sexa posible conseguir a edición en galego algún día (pois teño serias dúbidas sobre a distribución que vai ter).

Comentarios

Chíos e rechouchíos

ENTRADAS RELACIONADAS

  • Logan: «hostia puta»

    Por se alguén estaba confundido e pensaba que Logan ía ser unha especie de terceiro filme de Lobezno, temos por fin un novo tráiler que deixa claro que a...
  • O cine friki de 2017

    Parece que imos ter un 2017 dun friki subido se atendemos ás estreas cinematográficas que, aínda que non teñen unha data totalmente pechada, quedarían aproximadamente do seguinte xeito: 13...
  • Spider-Man: Homecoming estrea tráiler

    A nova aventura cinematográfica de Spider-Man apunta maneiras, e para deixarnos ver un anaco do que será Spider-Man: Homecoming, o filme no que Sony Pictures quixo aproveitar a forza...
  • Guardianes de la Galaxia Vol. 2: rumbo a petalo de novo

    Non hai ningunha dúbida: o novo vídeo promocional da secuela de Guardianes de la Galaxia deixa claro que o filme vai arrasar si ou si. Esta nova peza non...