O segundo día da HobbyCon paseino especialmente ben, pois aínda que non había moitas actividades prometedoras para min, ao final as cousas máis chorras foron o mellor.
Tras un pequeno paseo de exploración inicial puiden ver algunhas cousiñas de merchandising que me fixeron graza:
Logo tamén puiden ver o moito que flipaba o persoal probando a tecnoloxía de Oculus Rift coa demostración que facían os de Placebo Effects (que viñeron este ano ao evento Mundos Digitales:
Tamén no mundo dos videoxogos fíxome ilusi´n ver como o torneo de Bomberman para NES remataba co éxito de Iago Gordillo:
Xa no segundo andar, o creador de Cálico Electrónico estaba a contar a súa vida e a amosar algunhas das súas mellores pezas audiovisuais ante un público que non paraba de rir.
Aproveitou a visita para estrear un dos seus vídeos:
Aínda que máis tarde non dubidou en pararme polos corredores do PALEXCO para posar xunto a miña camiseta de Carlton Banks, que causou sensación. Saquei bastantes fotografías con xente que alucinaba en cores ao vela.
Pero o sorprendentemente divertido foi a competición Declárate Kid, na que uns cantos inconscientes loitaban polo amor de Lady HobbyCon, declarándolle os seus sentimentos e superando distintas probas entre as que destacou especialmente o ter que aturar bofetadas de boa parte do público.
O rapaz que ía vestido de Dante pode que vaia pasar a historia por ser un papahostias literalmente, xa que as mozas cebáronse especialmente nel, aínda que a rapariga que ía co cartel de Free Hugs non tivo reparos en propinar tremendos hostións a todos os concursantes.
Finalmente chegaron á final Masacre (quen recibiu grandes ouvacións do público) e a Princesa Mononoke, e na última proba a gañadora foi curiosamente a participante feminina, que non dubidou en botarllo en cara aos seus competidores, dicindo que era “máis home” que eles. 😀
Polo recindo tamén había moitas outras actividades menos masivas, como xente xogando a resolver un crime, competicións de fan art, xogos de mesa, e maquetas de Star Wars.
Aínda que para completar o repaso da xornada, nada mellor que unha selección de cosplay:
Gustei especialmente do disfraz de Green Arrow (pola perilla, claro) e da rapaza que encarnaba moi ben á Lara Croft do último xogo de Tomb Raider. Cousas así animan a volver hoxe a gozar do evento.
Debe estar conectado para enviar un comentario.