A Festa do Libro da Coruña en formato de peto

Co gallo da celebración do Día do Libro, na Coruña hai numerosas actividades programadas entre os días 19 e 23 de abril nos Xardíns de Méndez Núñez, e cando...

Festa do Libro

Co gallo da celebración do Día do Libro, na Coruña hai numerosas actividades programadas entre os días 19 e 23 de abril nos Xardíns de Méndez Núñez, e cando me acheguei ata alí pola tarde admito que esperaba atopar outra cousa, pois resultou que o número de casetas presentes era realmente ridículo.

comics

Só estaban presentes tres librarías tradicionais (Queixume, Coureiro e 7 Mares) e dúas especializadas en banda deseñada (Tanxencias e Alita) ás que que acompañaba un módulo para actividades no que gustei de ver no só que estivesen a botar unha partida a un xogo de mesa xunto a R2-D2, senón que houbese alí mesmo unha boa selección de libros de Elige tu propia aventura (recoñecín ter lido un par deles cando era cativo).

Larpeiros

No libro tradicional pouco podía atoparse que resultase rechamante, agás o feito de que os libros de Larpeiros son incombustibles, e parecen querer consolidarse como os bestsellers galegos do século XXI a falta dunhas sombras de Grey bravús. Unha nota triste acompañaba ás poucas casetas, como era o feito de que a Libraría Couceiro cesará a súa actividade o mes que vén por xubilación dos propietarios tras preto de 32 anos de actividade.

Non faltaban no expositor de Alita Comics os bos de >Bill e Sanmi, aínda que eu non podía evitar fixarme máis en Dudo Fraggle no estante de atrás.

Non faltaban no expositor de Alita Comics os bos de Bill e Sanmi, aínda que eu non podía evitar fixarme máis en Dudo Fraggle no estante de atrás.

Esperemos que durante a xornada do mércores a cousa este animada por ser o propio Día do Libro, e aínda que as festas do sector na Coruña están máis centradas no verán, cando menos esta xornada de fomento da lectura non pase desapercibida. Como mínimo sería recomendable achegarse a iso das 19:00 horas, cando teño entendido que van organizar unha boa o Obelisco.

Comentarios

Chíos e rechouchíos

ENTRADAS RELACIONADAS

  • Logan: «hostia puta»

    Por se alguén estaba confundido e pensaba que Logan ía ser unha especie de terceiro filme de Lobezno, temos por fin un novo tráiler que deixa claro que a...
  • O cine friki de 2017

    Parece que imos ter un 2017 dun friki subido se atendemos ás estreas cinematográficas que, aínda que non teñen unha data totalmente pechada, quedarían aproximadamente do seguinte xeito: 13...
  • Spider-Man: Homecoming estrea tráiler

    A nova aventura cinematográfica de Spider-Man apunta maneiras, e para deixarnos ver un anaco do que será Spider-Man: Homecoming, o filme no que Sony Pictures quixo aproveitar a forza...
  • Guardianes de la Galaxia Vol. 2: rumbo a petalo de novo

    Non hai ningunha dúbida: o novo vídeo promocional da secuela de Guardianes de la Galaxia deixa claro que o filme vai arrasar si ou si. Esta nova peza non...