Nos últimos meses parece que PSY estaba a fartar do Gangnam Style, pois fixo tantas versións do seu tema e bailou tantas veces a súa coreografía que sospeito que incluso a executa durmindo, pero dar un novo paso na súa carreira non será doado, pois ter un éxito de proporcións globais pesa moito. Pese a todo, parece que soubo avanzar, e a pasada fin de semana estreou un novo sinxelo, Gentleman, xunto cun vídeo musical no que repetiu o estilo das súas coreografías e engadiu unha serie de detalles bastante graciosos nos que podemos ver ao artista surcoreano facendo bromas moi malas a mulleres. Si, todo un cabaleiro, que opta polo humor do bo para chegar á xente.
Con caídas e peidos, a cousa non pode fallar. ¡Humor universal! [icon icon=”0039.png”][/icon]
Por non falar, non falta nin product placement, concretamente do xogo para móbiles Candy Crush Saga, que podedes descargar de balde para iPhone e iPad e Android, aínda que cómpre avisar de que ten compras dentro da aplicación. Vaia, que se Gentleman non vende moito en iTunes, igual compénsano con comisión dese xogo.
Debe estar conectado para enviar un comentario.