O Rei dos Machucos

Co gallo da estrea da nova tempada de Game of Thrones está a captar certa atención o mashup de Roei Zilber (DJ Rozroz) no que colle a sintonía da...

Co gallo da estrea da nova tempada de Game of Thrones está a captar certa atención o mashup de Roei Zilber (DJ Rozroz) no que colle a sintonía da serie e mestúraa cun tema de James Brown cun acabado maxistral:

Ao ver tal vídeo descubrín que o mesmo autor tiña outros machucos realmente bos, dos que o mellor de todos pareceume que foi o que conseguiu ao acompañar o Beat It do Rei do Pop coa música do Mambo Nº5 de Lou Bega:

De feito, estou sorprendido polo feito de que teña poucas reproducións en YouTube, cando impresionoume o ben que casan dúas cancións tan diferentes. Tamén conseguiu un bo resultado con outros machucos como o divertidísimo Cotton Eye Joe con música de Adele:

Ou ao colocar a Jon Bon Jovi cantando acompañado polos catro de Liverpool:

Convídovos a ver estes vídeos en YouTube, pois así poderedes descubrir moitos outros machucos interesantes que mesturan a formacións de distintas épocas e xéneros moi diferentes con resultados abraiantes.

Comentarios

Chíos e rechouchíos

ENTRADAS RELACIONADAS

  • Jon Secada no Luar

    E se Jon Secada fose un youtubeiro?

    O 13 de setembro foi un día moi especial na Televisión de Galicia xa que volveu á grella da programación o programa Luar contando coa presenza excepcional de Jon...
  • Novo viral da TVG

    Na Televisión de Galicia hai momentos que pasan á historia, como cando en 2007 ao reporteiro Alberto Mancebo unha nena nunha gardería espetou un sonoro «nos pegan» ou cando...
  • Un mundo infernal

    Unha das series de televisión de máis éxito da miña infancia foi Dragones y Mazmorras, da que incluso puidemos ver adaptación en banda deseñada da serie e incluso unha...
  • Queremos tarifas planas de banda deseñada?

    Non hai dúbidas en que estamos chegando a un momento no que as plataformas de subscrición para acceder a contidos baixo demanda saturan a calquera, sendo impensable que un...