John McClane resístese a morrer

O vindeiro 15 de febreiro teremos nos cines a película La Jungla: Un buen día para morir, que dubido que sexa na que o incombustible John McClane estire a...

O vindeiro 15 de febreiro teremos nos cines a película La Jungla: Un buen día para morir, que dubido que sexa na que o incombustible John McClane estire a pata, pois o personaxe interpretado por Bruce Willis é máis duro que o turrón do ano pasado.
A película estrea estes días un novo trailer, que amosa aínda máis acción que nas películas anteriores, resultando difícil saber ata onde pensan chegar con esta saga, o que entrega tras entrega faime sempre pensar se estarán a continuar a franquía só para deixar en ridículo á persoa que decidiu traducir Die Hard como La Jungla de Cristal, título que sentaba moi ben á primeira película, pero que escarallouse de todo cando saíu a primeira secuela que xa non estaba ambientada nun rañaceos. De seguro que cando viu o título de La Jungla 2 non se lle ocorreou soltar outra cousa que «Yippee-ki-yay, hijoputa».

Eu non vexo nada claro o de ir a ver esta película ao cine, e paréceme moi raro que na actualidade estean a volver á grande pantalla Bruce Willis, Sylvester Stallone e Arnold Schwarzenegger, tanto xuntos como separados, dando a impresión de que estamos de volta aos anos 80, cando as películas facían máis negocio nos videoclubs que nos cines. ¿Estará a pasar algo así agora? Pese ás recadacións millonarias nas salas de exhibición, ¿rexurdirá o vídeo doméstico coas novas plataformas de distribución? Cando menos en plataformas como iTunes destacan os filmes como Los Mercenarios 2 entre os máis populares, algo que non conseguen no cine.

¿Queredes máis argumentos? Pois fixádevos como hai pouco estreouse no cine unha nova Desafío Total (ao igual que Rocky e Rambo tamén rexurdiron tras moitos anos de parón) dentro dun ano teremos nos cines a un novo Robocop e mesmo o regreso de Conan (esta vez con Arnie no filme e todo). Incluso sospeito que imos vivir primeiro unha volta aos 80 e despois outra aos 90. Cando volvan aos cines as Tartarugas Ninja e Parque Jurásico falamos. [icon icon=”0034.png”][/icon]

Comentarios

Chíos e rechouchíos

ENTRADAS RELACIONADAS

  • O cine friki de 2017

    Parece que imos ter un 2017 dun friki subido se atendemos ás estreas cinematográficas que, aínda que non teñen unha data totalmente pechada, quedarían aproximadamente do seguinte xeito: 13...
  • Noite de paz

    Con tanta guerra nunha galaxia moi moi lonxana, cómpre chamar a Chewie para que vos desexe unha noite de paz cantando como el ben sabe: Relacionado Comentarios...
  • Spider-Man: Homecoming estrea tráiler

    A nova aventura cinematográfica de Spider-Man apunta maneiras, e para deixarnos ver un anaco do que será Spider-Man: Homecoming, o filme no que Sony Pictures quixo aproveitar a forza...
  • Guardianes de la Galaxia Vol. 2: rumbo a petalo de novo

    Non hai ningunha dúbida: o novo vídeo promocional da secuela de Guardianes de la Galaxia deixa claro que o filme vai arrasar si ou si. Esta nova peza non...