Non podo ocultar que estou bastante decepcionado coa franquía de Star Wars, porque como ao final todo iso das Guerras Clon resultou ser unha trangallada que irrelevante amañada por Palpatine para converterse no Emperador, non entendo como é posible que continúen a darlle voltas na televisión. ¿Para que marean un conto que dá igual? ¿Por qué non explorar novos camiños como fixeron co videoxogo El Poder de la Fuerza?
Pero parece que vou recuperar a fe, pois co gallo da Star Wars Celebration anunciaron unha nova serie de televisión chamada Star Wars: Detours que ten unha pinta incrible:
Agardemos que achegue a diversión que promete, que é moita, pois non por nada detrás deste proxecto están Todd Grimes, Matt Senreich e Seth Green (si, o actor lembrado polo seu papel como Scott Maligno en Austin Powers ou como o lobishome Oz na serie de Buffy), que xa demostraron a súa valía coa curiosa serie Robot Chicken.
Polo momento pouco se sabe sobre cando poderemos ver esta serie en antena, pero polos fragmentos que deixaron ver, estou certo de que vai ser moito mellor que Clone Wars:
