Mañá pola noite comezan en Melide as Festas do San Roque, nunha edición que sorprende pola súa duración (10 días) nun momento no que as economías familiares e municipais non parecen estar no seu mellor momento, pero segundo parece é grazas á colaboración entre o Concello cos negocios hostaleiros da vila, que buscan conseguir un retorno do seu investimento nas festas locais (agardemos que sexa así).
As celebracións teñen un bo comezo coa banda tributo a Dire Straits Brothers in Band, para dar logo pé a outras actividades entre as que sorprende un Mercado Medieval (algo pioneiro en Melide):
Non faltarán orquestras como a Fania Blanco Show, Gran Parada e Sintonía de Vigo, que son das que rara vez faltan nas festas, e o fin de festa correrá a cargo da Orquestra Panorama, nun concerto sorprendentemente sufragado polo grupo Palladium.
Tamén resulta rechamante a actualización estelar deste ano, que será o concerto de Camela o venres 17, que xa sería a repanocha se contase con Patricia Conde cantando no escenario: 😉
A Palladium apunta alto
E a discoteca Palladium non vai conformarse co día da Panorama, senón que tamén ten un programa de festas de seu bastante completo:
– 11 DE AGOSTO: Marsal Ventura dende Cataluña co seu éxito Levántala
– 12 DE AGOSTO: Super festa Ibiza Spirit
– 13 DE AGOSTO: Miss Camiseta Mollada
– 14 DE AGOSTO: José de Rico e Henry Méndez cos seus éxitos Rayos de Sol e Noche de Estrellas
– 15 DE AGOSTO: Concentración anual de DJ
– 16 DE AGOSTO: Charly Rodríguez cos seus éxitos Me Enamoré, Hasta la Madrugada…
– 17 DE AGOSTO: DJ Fonsi Niento, ex piloto de MotoGP
– 18 DE AGOSTO: Festa erótica co show porno de Dinio e Miss Ourense 2009, gravación de porno en directo…
– 19 DE AGOSTO: Marcos Magán & friends
– 20 DE AGOSTO: Closing party con 20 persoas de animación, zancudos, cuspidor de lume e a Orquestra Panorama no exterior
DJ Fonsi Nieto, Dinio, a orquestra Panorama… quen diría que podían ter algo en común… 😀
Debe estar conectado para enviar un comentario.