Batman: The Dark Knight Returns, por fin animado

El Regreso del Seños de la Noche foi o título co que chegou inicialmente a España a mini-serie de comics Batman: The Dark Knight Returns, que co tempo converteuse...

The Dark Knight Returns part 1
El Regreso del Seños de la Noche foi o título co que chegou inicialmente a España a mini-serie de comics Batman: The Dark Knight Returns, que co tempo converteuse nunha desas cousas que dan en chamar novela gráfica (pese a nacer por entregas), e que destacou por saber narrar un futuro distópico no que Batman, xa entrado en anos, ten que volver á acción para salvar á cidade de Gotham, para o que incluso ten que enfrontarse man a man contra Superman (loita que influiría a numerosas tramas anos despois).
Aínda que durante un tempo comentouse que Clint Eastwood estaba interesado en levar esta obra de Frank Miller ao cine, isto finalmente non aconteceu, e terémonos que conformar coa súa versión animada, que chegará en 2 entregas. A primeira parte sairá nos EE.UU. o 25 de setembro nun combo de Blu-ray + DVD + descarga (é de agardar que nun par de semanas tamén estea dispoñible en España) e xa ten trailer:

Ata 2013 non veremos a conclusión desta historia que esta considerada como unha das mellores de Batman (eu sempre preferín Año Uno, La Broma Asesina e Hijo del Demonio) e que veuse un tanto escurecida por culpa dunha secuela sen xeito (The Dark Knight Strikes Again) que espero que non se molesten en levar á pequena pantalla.

Antes de rematar non podo evitar citar que na serie de animación de Bruce Timm xa se facía unha homenaxe a The Dark Knight Returns:

Vaia, que vese que á historia tíñalle ganas máis dun.

Comentarios

Chíos e rechouchíos

ENTRADAS RELACIONADAS

  • Novo tráiler da película de Wonder Woman

    Tras varios teasers que foron poñéndonos os dentes longos, por fin temos o novo tráiler do filme de Wonder Woman protagonizado por Gal Gadot. Desta volta amósanos un chisco...
  • Novo tráiler de Guardianes de la Galaxia Vol. 2

    A que promete ser a película máis divertida do ano, Guardianes de la Galaxia Vol. 2, estrea por fin o seu novo tráiler, amosando moito máis do que era...
  • Logan: «hostia puta»

    Por se alguén estaba confundido e pensaba que Logan ía ser unha especie de terceiro filme de Lobezno, temos por fin un novo tráiler que deixa claro que a...
  • O cine friki de 2017

    Parece que imos ter un 2017 dun friki subido se atendemos ás estreas cinematográficas que, aínda que non teñen unha data totalmente pechada, quedarían aproximadamente do seguinte xeito: 13...