O trepamuros salva a Barack Obama

Dáme un pouco de vergoña ver coma están a facer uso político dos superheroes para quedar ben e, de paso, vender máis exemplares, e o número 583 de The...

Portada do The Amazing Spider-Man número 583
Dáme un pouco de vergoña ver coma están a facer uso político dos superheroes para quedar ben e, de paso, vender máis exemplares, e o número 583 de The Amazing Spider-Man é o mellor exemplo. Sobra dicir que a historia ten un final feliz:
páxina 1páxina 2páxina 3páxina 4páxina 5páxina 6
Nin me molesto en avisar do spoiler porque quitando o exotismo histórico do exemplar, queda claro que a trama está metida con calzador. E o que aínda é peor, leva a debuxantes coma Rob Liefeld a facer unha portada alternativa do número de febreiro de Youngblood:
portada alternativa do nº 8 de Youngblood
Superlópez contra Monster ChapapoteAs series de comics deberían deixar de lado a actualidade para non ter unha cronoloxía tan confusa, pois hai personaxes que levan 70 anos coa mesma idade, polo que se cruzan con tantos presidentes que fan que a continuidade sexa imposible de soster.
Agora que falta un mes para o comezo da campaña electoral en Galicia aproveito para declarar que non quero ver ningún cómic con Touriño, Quintana ou Feijóo acompañando aos Bolechas (nin a outros personaxes de cómic). Coido que xa chegou con que Superlópez visitase a Paco Vázquez cando loitou contra o Monster Chapapote (Superlópez, non Vázquez), aínda que admito que os políticos deberían ser máis tolerantes coas súas parodias (unha mágoa que non teñamos galenecos na TVG).

Comentarios

Chíos e rechouchíos

ENTRADAS RELACIONADAS

  • San Diego Comic-Con, tráilers a mogollón

    Unha ano máis a Comic-Con de San Diego confirmou que xa non é un evento centrado na banda deseñada, senón na industria do lecer en xeral, de xeito que...
  • Unha semana para Wonder Woman

    A primeiros de mes estreouse nunha chea de países o filme de Wonder Woman, polo que levo moitos meses esperando con ilusión, principalmente para poder comprobar se queda esperanza...
  • ExpOtaku meets Zona Otaku

    A semana pasada sobrevivimos a unha edición máis de ExpOtaku, encontro que non sei como fai para xuntar cada ano a máis xente. Eu só puiden achegarme o venres...
  • Supergirl promociona o filme de Wonder Woman

    A pasada noite a serie de televisión de Supergirl despediu a súa segunda tempada, e aproveitaron a ocasión para facer publicidade do novo filme de Wonder Woman protagonizado por...