Películas frikis para os vindeiros meses

O Audi de Iron Man lémbrame que está a pique de comezar a tempada de pelis (e que o cine tamén pode recibir achegas económicas a través da publicidade,...

Iron Man anunciando un Audi
O Audi de Iron Man lémbrame que está a pique de comezar a tempada de pelis (e que o cine tamén pode recibir achegas económicas a través da publicidade, e non só esprimindo directamente o peto dos espectadores). Por fin van a chegar ás carteleiras as películas frikis que levamos tempo agardando. Preparei así un calendario con algunhas destacables:

30 de abril: Iron Man
9 de maio: Speed Racer
16 de maio: La crisis carnívora
22 de maio: Indiana Jones y el Reino de la Calavera de Cristal
20 de xuño: El Increible Hulk
27 de xuño: Los Cronocrímenes
Diary of the Dead
Forgetting Sarah Marshall
4 de xullo: Las Crónicas de Narnia: El Príncipe Caspian
11 de xullo: Kung Fu Panda
Hancock
18 de xullo: Wanted
Get Smart (El Superagente 86)
25 de xullo: X-Files: I Want to Believe
1 de agosto: La Momia 3
8 de agosto: Wall·E
13 de agosto: The Dark Knight
29 de agosto: Hellboy 2

Marquei en negriña as que teño pensado ir ver, aínda que nunca se sabe (ao final igual perdo algunha e vou a outras sen contar).
O que destacaría especialmente é que parece que a planificación das estreas é moi boa, de xeito que cada película baseada nun cómic se estrea nun mes distinto (agás no caso das 2 últimas, que conservan unha distancia prudencial).

¿Cales funcionarán mellor? Resulta difícil facer un prognóstico, pero eu coido que as películas que van facer mellor taquilla das mencionadas serán a de Iron Man (que é a que ten mellor pinta) e a de Indiana Jones (polo elemento nostálxico) aínda que admito que preferiría que arrasase a de Batman (The Dark Knight) pois iso podería impulsar a adaptación de máis personaxes do Universo DC, que normalmente se limita aos dous de sempre (Bats e Supes).
O trailer de Iron Man deixa claro que a peli vai ser unha pasada:

¿E qué películas defraudarán? Desconfío moito da película de Indy, pero creo que poden estar bastante peor a do Superagente 86 ou La Momia 3, e incluso apostaría algo a que a segunda entrega das Crónicas de Narnia non vai ter o tirón de sagas como a de Harry Potter. Ah, e o fiasco do ano podería ser Speed Racer, pois non creo que haxa moita xente que se deixe levar pola nostaxia de Meteoro.

Para apostar seguro, non creo que ninguén dubide que Kung Fu Panda e Wall·E van facer boa caixa só por estar dirixidas aos cativos (aínda que admito que teño ganas de ver as dúas) e Hellboy 2, sen facer marabillas, tamén conservará os bos resultados da súa anterior entrega (que sin ser espectacular, convenceu aos amantes deste tipo de cine, o que é difícil que consiga Wanted).

Remato subliñando que a meirande parte das estreas do verán poderían saír directamente en DVD, pero está claro que a época é boa para aproveitarse do público mozo e infancil, que tragará calquera cousa sen contemplacións.

Comentarios

Chíos e rechouchíos

ENTRADAS RELACIONADAS

  • Unha semana para Wonder Woman

    A primeiros de mes estreouse nunha chea de países o filme de Wonder Woman, polo que levo moitos meses esperando con ilusión, principalmente para poder comprobar se queda esperanza...
  • Supergirl promociona o filme de Wonder Woman

    A pasada noite a serie de televisión de Supergirl despediu a súa segunda tempada, e aproveitaron a ocasión para facer publicidade do novo filme de Wonder Woman protagonizado por...
  • En Suíza tamén hai cosplay

    Que actualmente hai convencións fikis por todo o mundo non é ningunha sorpresa, pero sorpréndeme non ter escoitado nunca falar da que montan en Basilea, pois «a Comic Con...
  • Blade Runner 2049 apunta maneiras

    Chegou a data na que por fin podemos ver a aparencia real que terá o filme Blade Runner 2049, que estrearase en cines o 6 de outubro e que...