Quenllas en Radiovoz

Como tódolos luns, pasei polo programa de Isidorio Valerio en RadioVoz, e coido que paga a pena mencionalo só por destacar a nova do fotógrafo atacado por unha quenlla mentres probaba unha cámara adaptada para sacar instantáneas subacuáticas. ¡Manda truco! Recoméndovos ver as fotografías que tirou antes do ataque.
Tamén repasamos a memoria USB de 32 Gb de Buffalo, a versión Flash do BBC iPlayer (para ver os contidos dende España hai que navegar a través dun proxy británico) da que esperemos que cunda o exemplo e a crise dos videoclubs achacada á Internet (que está provocada por moitos outros elementos, coma o éxito das series de televisión ou o aumento da oferta televisiva dixital).
Desta vez a intervención durou pouco, e tivemos que ir con presa, de xeito que non tocamos temas coma os prezos do ADSL, o YouTube das inmobiliarias e outros asuntiños, porque se falamos máis a sección xa tería que ser diaria 😉

Comentarios