Os cartos en televisión

¿Canto custa a publicidade en televisión? A cuestión no só nace da curiosidade de saber o prezo dos bloques de 20 segundos que pagan os nosos programas televisivos favoritos, senón que tamén serve para entender cómo é posible que algúns presentadores cobren auténticas moreas de cartos. Agora, estos datos chegan grazas a Oblicua Medios e pódennos chamar á reflexión:

Eu pola miña banda recoñece que estou sorprendido da boa saúde de Telecinco, pois iso de que a canle das Mamachicho e Juanito Navarro cobre a máis de 7 millóns de pesetas un anuncio pola noite me parece unha evolución que para si quixeran outras canles.
Tamén considero moi positiva a evolución de La Sexta, que fóra do prime time está moi preto de Cuatro ou mesmo de La 2.

Non debemos esquecer que os cartos que cobran polos anuncios son o mellor estimador da audiencia dunha televisión, especialmente porque ponderan o tipo de público (de xeito que, por exemplo, a xente maior ten pouco peso, xa que con consumidores de baixa intensidade). Sobra dicir que con estas contas de seguro que a TVG dá uns resultados nefastos (por mor da franxa de idade dos seus seguidores) pero hai que aceptar que ó ser unha televisión pública non ten que buscar só facer cartos, pois tamén ten que dar un servizo

Para rematar direi que non entendo cómo a publicidade segue a ser tan cara cando a audiencia está tan fragmentada (a oferta de canles medrou moito). ¿Serán pouco realistas as tarifas que aplican as canles?

Comentarios