Volve Edilberto Alonso

O trobador curtiense Edilberto Alonso volve á carga, esta vez cun volver moi peculiar, xa que dedica o seu novo tema ó éxito de Pedro Almodóvar coa súa película...

O trobador curtiense Edilberto Alonso volve á carga, esta vez cun volver moi peculiar, xa que dedica o seu novo tema ó éxito de Pedro Almodóvar coa súa película Volver. Velaquí está Spiritual, Magic and Knowledge:


Ver a letra da canción ▼

A composición desta nova peza realizouse o pasado 27 de xaneiro, cando Edilberto veu na televisión irlandese cómo Pedro Almodóvar e Penélope Cruz compartían unha aperta ó recibiren un premio (supoño que durante a cerimonia de entrega dos Goya).
O cantautor de Curtis máis popular na Rede imprime nesta nova canción alegría en forma de ritmos latinos que queren convidar a bailar e elevar o espírito cun estilo definido por moitos coma pop-antidepresivo.

Edilberto Alonso na porta da discoteca Punto y ApartePero, ¿existe unha relación entre a película premiada nos Goya e nomeada ós Oscar de Hollywood? Pois por sorprendente que pareza, Edilberto Alonso e Penélope Cruz están a só 1 grado de separación, xa que en xullo de 1988 Edilberto inaugurou unha discoteca de tarde en San Sebastián de los Reyes (propiedade dos irmáns Baena Aguado de Alcobendas, empresa dirixida por Cándido Candy Rodríguez) chamada Punto y Aparte (e que contaba co noso trobador favorito coma director), á que asistía unha rapaza de especial encanto e acusada personalidade, que co paso do tempo remataría converténdose na primeira actriz española en optar a un Oscar.
Iso si, para min o máis rechamante de todo o conto é a aparencia de Alonso naqueles tempos, porque parece o mesmísimo Antonio Alcántara 😉

Comentarios

Chíos e rechouchíos

ENTRADAS RELACIONADAS

  • Oregón TV tivo un ano moi tecnolóxico

    Hai anos que non menciono as cancións paródicas de Oregón TV (as súas parodias de Los Panchos e Micky son moito!), pero están a ter un 2019 tan completo...
  • Jon Secada no Luar

    E se Jon Secada fose un youtubeiro?

    O 13 de setembro foi un día moi especial na Televisión de Galicia xa que volveu á grella da programación o programa Luar contando coa presenza excepcional de Jon...
  • Os Vingadores non iniciaron o lume

    A capacidade de mobilización que teñen os grandes programas de televisión nos EE.UU. non deixa de sorprender, principalmente porque manteñen o seu pulo no tempo, cando en España hai...
  • O Banjo Fantástico

    Chámase Ollie, ten un banjo, e tras facer unha chea de versións de música de videoxogos como Out Run, Street Fighter II ou Tetris, inicia unha nova serie de...