Coidado coa Wii

Agora que xa chega a Wii a España, hai que lembrar certas precaucións que hai que ter coa mesma, e advertir de que non serve coma tostadora: O mando...

Agora que xa chega a Wii a España, hai que lembrar certas precaucións que hai que ter coa mesma, e advertir de que non serve coma tostadora:
A Wii non é unha tostadora
O mando da Wii non é comestible:
O Wiimando non se debe tragar
E o máis importante, a Wii non se pode empregar coma paracaídas:
A Wii non é un paracaídas
¿Parece esaxerado avisar disto? Pois os de Nintendo avisan de case todo no manual de instruccións da Wii:
Manual de seguridade da Wii
Vale que esta versión tan friki do manual e a nipona, pero en EE.UU. tamén advirten das precaucións que hai que tomar:
Precaucións coa Wii
O que non evita cousas coma ésta:
Wiimando espetado nun televisor
¡Hai que ser cabestros! O que pasa é que logo botan as culpas a Nintendo de que escarallaron o televisor, a fiestra, a parede ou o que sexa, despois de xogar bruscamente cun mando que non reacciona á forza senón ó movemento. E a verdade é que non é preciso xogar con tanta brusquedade (¿cómo é posible que os accidentes pasasen todos co Wii Bowling cando é un xogo tan sinxelo):
Dentro de pouco os posuidores da videoconsola doméstica de Nintendo deberán aprender de memoria os Dez Mandamentos para xogar coa Wii, que incluirá todas esas cousas que se poden aplicar a calquera outro dispositivo electrónico… non vaia a ser que logo denuncien ó fabricante xaponés porque a consola rachou despois de empregala coma soporte para un sofá coxo.

Comentarios

Chíos e rechouchíos

ENTRADAS RELACIONADAS

  • Adeus a Allo

    En 2016 produciuse unha curiosa coincidencia, xa que Google estreou unha aplicación de mensaxería instantánea enriquecida con elementos multimedia chamada Allo mentres que os de Gadis lanzaron a campaña...
  • A outra Ana

    Hai un par de semanas estreouse en España o servizo Amazon Locker, que permite que os usuarios de Amazon como dirección de envío dos seus paquetes, en vez de...
  • O tratamento informativo do WannaCry dáme ganas de chorar

    O pasado venres convidáronme a participar no programa Área Pública da TVG para explicar un pouco o problema co ransomware que tiveron na sede central de Telefónica, causando un...
  • As nais e a tecnoloxía en plan Queen

    Hai tempo que non comparto ningún vídeo de Oregón TV, pero como esta fin de semana no seu programa renderon homenaxe a Queen cun vídeo facendo burla da tan...