Hai un par de semanas dende Código Cero falamos dun curioso caso de emprendemento tecnolóxico por parte dun artesán de instrumentos tradicionais galegos, O Reberete, consistente nun par de aplicacións móbiles, Wizapet e Wizaper, para axudar a localizar mascotas e obxectos perdidos.
Non sei que é máis sorprendente: se o feito de que un lutier sexa o que se anime a desenvolver unha aplicación móbil de xeito altruísta, ou que unha ferramenta tan práctica para localizar a mascotas perdidas non existise antes.
Para dar conta deste auténtico fenómeno, no programa Banda Ancha da Radio Galega falamos coa cabeza tola da que saíu todo isto:
E hoxe mesmo tamén falaron das aplicacións móbiles no Telexornal:
A ver se despois da cobertura mediática que vai conseguindo Wizapet a aplicación vai gañando usuarios para conseguir a masa crítica dabondo para que poida servir como unha ferramenta moi práctica a nivel estatal e incluso global, de xeito que os grupos de Facebook nos que dan conta dos cans perdidos no noso contorno poidan pasar a un segundo plano, para que así cada vez que se perda ou atope un animal extraviado a comunicación sexa moito máis áxil, para o ben dos propietarios e das propias criaturas.
Debe estar conectado para enviar un comentario.