O galego desaparece do audiovisual en soporte físico

¿Que teñen en común Los Lobos de Arga, Celda 211 e También la Lluvia? Pois, aparte de que contan dúas delas coa presenza de Luis Tosar, son as únicas...

películas en blu-ray con pista de audio en galego

¿Que teñen en común Los Lobos de Arga, Celda 211 e También la Lluvia? Pois, aparte de que contan dúas delas coa presenza de Luis Tosar, son as únicas 3 referencias que atopo en blu-ray.com que contan con pista sonora en galego, e aínda que non é unha listaxe exhaustiva (tamén teñen audio en galego, entre outros, filmes como Tomates Verdes Fritos, El sexo de los ángeles, Invasor e La novia de Chucky, e creo lembrar que tamén Pradolongo) paréceme moi preocupante, pois ata hai poucos anos tiñamos ducias de DVD que saían coa opción de escoitarse en galego, pero na actualidade a nosa lingua parece estar a esquecerse, de xeito que non só é practicamente inexistente en Blu-ray, senón que incluso está a desaparecer nas reedicións de obras publicadas inicialmente coa pista sonora en galego, como as películas animadas de Tintín e Astérix.

A reedición dos filmes animados de Astérix presentan unha imaxe máis coidada, pero perde no camiño o audio en galego

A reedición dos filmes animados de Astérix presentan unha imaxe máis coidada, pero perde no camiño o audio en galego

Paréceme lamentable que non poidan mercarse en Blu-ray os debuxos animados que vin na miña infancia, e que o único material para nenos que vexo en galego no mercado doméstico son algúsn DVD de Doraemon, Shin Chan e Son Goku (que na súa meirande parte teñen bastantes anos) mentres que as edicións dos debuxos dos Pitufos, de Arale e de moitas outras obras que se traduciron no seu día á nosa lingua seguen a ignorarnos (mentres que si teñen en conta aos cataláns). Non sei de quen será a culpa, pero cando menos xa teño un motivo para botar en falta a Filmax, editora que era das poucas que procuraba ter en consideración ao galego.

Comentarios

Chíos e rechouchíos

ENTRADAS RELACIONADAS

  • BBC News faise viral até en Galicia

    Nos últimos días causou furor un vídeo de BBC News no que o profesor Robert Kelly, mentres estaba a falar en directo mediante videoconferencia sobre a destitución da presidenta...
  • Os Teletubbies preguntan que che pica

    Robert Jones, un deses tolos que fai vídeos bastante entretidos para YouTube, como no que mestura escenas de películas dos anos 90 na que pode verse á xente bailand...
  • Novo tráiler da película de Wonder Woman

    Tras varios teasers que foron poñéndonos os dentes longos, por fin temos o novo tráiler do filme de Wonder Woman protagonizado por Gal Gadot. Desta volta amósanos un chisco...
  • A CIA non me espía 😪

    Esta mañá achegueime ao programa A Revista Fin de Semana da Televisión de Galicia, para falar das últimas filtracións de WikiLeaks, nas que daban a entender de xeito sensacionalista...