Esta semana descubrín unha serie de vídeos musicais de Mondo (a xente que fai os Happy Tree Friends) chamada Trapped In Technology coa que botei unhas boas risotadas. Esta carallada botou a andar en xuño cun tema dedicado á Internet e que servía así de episodio piloto:
Pero coido que Trapped In Technology chegou a un nivel moi superior na súa quinta entrega, ao cantarlle unha canción ás impresoras, eses dispositivos odiados por todos cando se lles atasca o papel ou quedan sen tinta:
Tamén teñen cancións sobre os famosos da Internet (que ninguén recoñece pola rúa), os enganchados aos xogos de rol en liña (tipo World of Warcraft) e mesmo os que fan pagar ao seu móbil a base de hostias os problemas da súa vida. ¡Xa me tarda o vindeiro episodio!
