¡Puto país de pandeireta!

Nun día triste como este, no que se deu a coñecer o pasamento de Steve Jobs, unha das persoas máis influíntes dos últimos 25 anos, temos que a prensa...

Nun día triste como este, no que se deu a coñecer o pasamento de Steve Jobs, unha das persoas máis influíntes dos últimos 25 anos, temos que a prensa española centrouse no casamento dunha señora maior, sen ningunha repercusión social máis aló da prensa rosa:
ABCEl PaísEl MundoLa Razónde luns a venresFaro de Vigo

Temos que ir ata EE.UU. para ver como os medios de comunicación non puideron evitar destacar nas súas portadas o falecemento dunha figura moi representativa das TIC tal e como as coñecemos:
New York Post
USA TodayThe New York TimesThe Seattle TimesEl Nuevo HeraldLos Angeles TimesChicago Tribune
Podemos argumentar que a prensa española chegou tarde por un motivo horario, pero iso non é totalmente certo (como demostraron El Mundo e La Voz de Galicia), pois os xornais teñen certo tempo para corrixir as súas edicións a última hora, só que poucos consideraron que a nova fose o suficientemente relevante, mentres que nas emisoras de radio, nas canles de televisión e na Internet foi unha das nova máis importantes e con maior repercusión de todo o ano. Un novo fracaso do papel, que mañá procurarán compensar moitos xornais repasando as repercusións da morte de Jobs, cando todos os seus lectores xa terán coñecido tal información por outras fontes. 🙁

Non é cousa de ser fanboy de Apple, pois hai poucas dúbidas de que as figuras máis importantes do sector nas últimas décadas serían Bill Gates, Steve Jobs, Larry Ellison, Michael Dell, Sergey Brin, Larry Page, Mark Zuckerberg e Jeff Bezos, pero Jobs era o máis mediático de todos eles, atraendo millóns de miradas en cada keynote e apostando por nichos de mercado mal explotados en cadanseu momento, como os reprodutores multimedia portátiles, os smartphones e os tablets.
Apple poderá continuar cos seus éxitos, pero as súas presentacións non volverán a ser igual, como demostraron o pasado martes, de aí que a súa ausencia xa se notaba antes da nova da súa defunción. Jobs marchou, pero deixou pegada.

Comentarios

Chíos e rechouchíos

ENTRADAS RELACIONADAS

  • Oregón TV tivo un ano moi tecnolóxico

    Hai anos que non menciono as cancións paródicas de Oregón TV (as súas parodias de Los Panchos e Micky son moito!), pero están a ter un 2019 tan completo...
  • Adeus a Allo

    En 2016 produciuse unha curiosa coincidencia, xa que Google estreou unha aplicación de mensaxería instantánea enriquecida con elementos multimedia chamada Allo mentres que os de Gadis lanzaron a campaña...
  • A outra Ana

    Hai un par de semanas estreouse en España o servizo Amazon Locker, que permite que os usuarios de Amazon como dirección de envío dos seus paquetes, en vez de...
  • O tratamento informativo do WannaCry dáme ganas de chorar

    O pasado venres convidáronme a participar no programa Área Pública da TVG para explicar un pouco o problema co ransomware que tiveron na sede central de Telefónica, causando un...