O 28 de febreiro vai chegar a España o filme Her, no que Spike Jonze mete a Joaquin Phoenix na pel dun escritor solitario que inicia unha relación cunha muller virtual (Samantha), para chamar á reflexión sobre o impacto da tecnoloxía no xeito no que nos relacionamos cos demais (lembrando moito ao primeiro episodio da segunda tempada de Black Mirror). Unha película posiblemente pegañenta de máis na que sorprende que Scarlett Johansson poña a voz á moza irreal do filme, pois vese raro que collan a unha actriz que normalmente destaca polo seu físico para ser invisible.
Pero realmente non cito a Her polo que esta película supón, senón polo trailer paródico que vén de estrearse: Him. Se mudamos os roles… ¡como cambia o conto!
Vese que Sam é moito máis realista que Samantha. [icon icon=”0034.png”][/icon]
Debe estar conectado para enviar un comentario.