Mañá, o Hotel Husa Santiago Apóstol de Santiago de Compostela acollerá un casting para participar como concursante no Verbas Van da TVG, espazo televisivo do que aledoume moito que mudaron o seu horario, pois agora que é no contorno das 16:00 horas podo velo de cando en vez.
Se es maior de 18 anos, galego-falante, e queres probar sorte neste concurso no que poñen a proba a riqueza de vocabulario, a axilidade mental e certos coñecementos de ciencia e aritmética, só tes que mandar un e-mail a vbv@crtvg.es co asunto CASTING XULLO e solicitando poder acudir este sábado na quenda das 11:30 ou na das 12:30 horas da selección de concursantes. É preciso levar cuberto un documento cos datos persoais que podedes descargar da Internet.
Para os que mañá non poidan acudir, pero que estean igualmente interesados, recoméndolles que sigan ao programa televisivo na súa nova páxina de Facebook, onde é de agardar que avisen de futuras convocatorias.
Debe estar conectado para enviar un comentario.