Espérase que o venres da semana que vén chegue ás nosas pantallas a película LOOPER, que colle o concepto de viaxes no tempo en plan Terminator e dálle a volta. Agora, en vez de mandar a alguén do futuro ao pasado para mudar a historia, a persoa que vén do futuro chega ao pasado para que o maten sen deixar evidencias.
Aínda que o concepto en si mesmo sexa paradoxal, é moi habitual na ficción científica, e con LOOPER incluso parece querer enredar o conto aínda máis, pois o asasino e a vítima son a mesma persoa (o que crea un dilema). Crean así unha situación de conflito que vai dar pé a unha trepidante historia de acción que promete ser do mellor do ano na pantalla grande, e que destaca polo feito de que Joseph Gordon-Levitt (si, o neno de Cosas de Marcianos) tivese que pasar por un proceso de maquillaxe que o fixese colar como unha versión moza de Bruce Willis.
Ao principio a transformación facial de Gordon-Levitt parecíame moi descarada, pero agora que temos o trailer en alta definición diría que só canta nalgunhas secuencias:
8 Outubro, 2012
Debe estar conectado para enviar un comentario.