O Concello de Melide vén de convocar un concurso para elixir o futuro cartel da vixésimo primeira edición da Festa do Melindre e da Repostaría da Terra de Melide, do que podemos ter máis detalles na páxina web municipal (na que figuran as bases do certame en formato PDF).
O gañador levará como premio un WebTV, trebello da galega Blusens que combina nunha pequena caixiña un reprodutor multimedia (para ver todas esas series e películas que descargamos da Rede en multitude de formatos), un receptor de TDT en alta definición coa posibilidade de gravar en memorias USB e discos duros externos e un dispositivos para acceder á Internet dende o televisor, o que facilita a reprodución de contidos multimedia en liña e a visualización de páxinas web. Curiosamente o anuncio chega xusto cando Blusens actualiza o firmware do WebTV para incorporarlle novas posibilidades e renovar a súa interface gráfica. Unha grande nova para que teña a fortuna de gañar o concurso melidense.
8 Marzo, 2012
Debe estar conectado para enviar un comentario.