Nova xeración de tablets

O mes que vén Motorola vai achegar ao mercado o primeiro dispositivo tipo tablet que funcione co sistema operativo Android 3.0, o que poderiamos considerar coma o primeiro competidor...

O mes que vén Motorola vai achegar ao mercado o primeiro dispositivo tipo tablet que funcione co sistema operativo Android 3.0, o que poderiamos considerar coma o primeiro competidor real ao iPad, e que onte estreou anuncio durante a Superbowl:

Antes de que aparecese o spot na televisión falábase de que sería unha especie de parodia do primeiro anuncio de Apple (cunha rapaza rachando a pantalla do Big Brother) pero en realidade a referenza foi bastante máis suxerente, cun mozo lendo o libro 1984 no seu Motorola XOOM, para empregar logo o trebello como sistema de mapas e para ligar dun xeito creativo (ou sexa para ir contra a corrente, ou sexa, que dá a entender que os clientes de Apple actúan coma borregos). Sen dúbida unha promoción moito máis interesante que os típicos anuncios de Apple repasando a interface de uso dos seus trebellos, posto que de facer o mesmo Motorola o público non sería quen de diferenciar os produtos (pois en características, cando saia o presunto iPad 2, estarán case empatados).

Aínda que son un entusiasta do iPad, teño que recoñecer que, de contar con apoio dos fabricantes de software, os tablets con Android teñen moitas máis posibilidades (por exemplo, cunha multi-tarefa real, pois a de Apple é de risa), e a diversidade de produtos permitirá (dentro duns cantos meses) que cheguen dispositivos interesante a prezos que poderían estar no contorno dos 300 euros en vez de a partires dos 488 euros (e tendendo aos 600 euros).

Comentarios

Chíos e rechouchíos

ENTRADAS RELACIONADAS

  • Oregón TV tivo un ano moi tecnolóxico

    Hai anos que non menciono as cancións paródicas de Oregón TV (as súas parodias de Los Panchos e Micky son moito!), pero están a ter un 2019 tan completo...
  • Adeus a Allo

    En 2016 produciuse unha curiosa coincidencia, xa que Google estreou unha aplicación de mensaxería instantánea enriquecida con elementos multimedia chamada Allo mentres que os de Gadis lanzaron a campaña...
  • A outra Ana

    Hai un par de semanas estreouse en España o servizo Amazon Locker, que permite que os usuarios de Amazon como dirección de envío dos seus paquetes, en vez de...
  • O tratamento informativo do WannaCry dáme ganas de chorar

    O pasado venres convidáronme a participar no programa Área Pública da TVG para explicar un pouco o problema co ransomware que tiveron na sede central de Telefónica, causando un...