Máis detalles sobre o servizo de R en Melide

Nas últimas semanas escoitei a varias persoas comentar que xa había servizo directo de R en Melide pese a que a cabina telefónica da compañía segue sen rematar, e agora unha nota conxunta do Concello e de R aclara un pouco as cousas:

O Concello de Melide xa recibe os servizos de R
Está previsto que preto de 3.500 fogares e empresas de Melide dispoñan de conexión directa á rede de R para acceder aos servizos integrados de teléfono, internet de alta velocidade, televisión dixital e móbil R

Martes, 5 de maio de 2009.- Os habitantes de Melide xa poden recibir os servizos de R. Deste xeito, o concello coruñés entra a formar parte do grupo de localidades galegas que dispoñen de conexión directa á rede de telecomunicacións de última xeración que o operador está a despregar en toda a comunidade autónoma.

R prevé levar os servizos integrados de teléfono, internet de alta velocidade, televisión dixital e móbil R a preto de 3.500 fogares e locais empresariais de Melide, dos que uns 1.500 xa poden arestora acceder a eles. Cun investimento aproximado de 2,6 millóns de euros, R xa completou unha primeira fase das tarefas de despregamento de rede no núcleo urbano e de seguido está previsto acometer as obras nas rúas do Progreso e de San Roque e na Avenida de Lugo, malia que cómpre obter primeiro as licenzas necesarias. Neste caso, a data programada para o remate dos traballos de obra civil é a remate de xullo deste ano. Teranse despregado, entón, preto de 5 quilómetros de fibra óptica e uns 3,2 quilómetros de obra civil. Ademais instalarase unha cabina telefónica de R na Rúa Evaristo Martín Freire, 15, para abrir por vez primeira en Melide o servizo da telefonía pública á libre competencia.

Ver o resto do texto ▼

Modernización coa fibra óptica

A posta en marcha do proxecto de R en Melide apoiouse na plena disposición e colaboración do concello desta localidade coruñesa que, dende o inicio, manifestou o seu interese por situar a súa poboación ao máis alto nivel en canto á dotación das infraestruturas tecnolóxicas, así como por facilitarlles aos seus cidadáns o acceso a todos os servizos da Sociedade da Información.

R, pola súa banda, está a facer un esforzo por materializar o seu compromiso con Galicia e estender ao máximo número posible de cidadáns a infraestrutura de telecomunicacións máis avanzada a nivel mundial.

Máis velocidade e móbil R

Grazas á nova e potente rede de fibra óptica que R está construíndo, rúa a rúa, os habitantes de Melide disporán de chamadas gratis a todos os fixos estatais e de internet de alta velocidade constante por fibra óptica, que ten duplicado para todos os clientes dende o ano pasado (ata 12 megas). Ademais, o servizo de televisión dixital interactiva de R ofrece calidade de imaxe e son dixitais por fibra óptica, máis de 80 canles, guía e miniguía electrónicas de programación e múltiples posibilidades de interactividade. E vén de cumprirse un ano do lanzamento do servizo de móbil R, integrado na oferta de telecomunicacións do operador galego. Asemade R é pioneiro no mercado do móbil ao comezar a ofrecer chamadas gratis a móbiles de calquera operador dende o teléfono fixo para todos os seus clientes de televisión dixital e gratis a móbiles R para todos os seus clientes.

R na provincia da Coruña

Ademais de Melide, en 2008 R conectou á súa rede 10 novas localidades da provincia da Coruña, que xa gozan dos servizos de internet de alta velocidade, telefonía fixa, televisión dixital multicanle e móbil R. Trátase de Arzúa, Negreira, Brión, Neda, Noia, Rianxo, Padrón, Malpica de Bergantiños, Ponteceso e Mugardos. Deste xeito, 25.200 novos fogares e negocios na provincia estarán en disposición de recibir os servizos de R, para o que se terán investidos 19,6 millóns de euros cando remate totalmente o despregamento da rede nestas localidades. As devanditas poboacións únense así a outras que xa forman parte da rede de fibra óptica dende hai tempo como son Santiago de Compostela, A Coruña, Ferrol, Culleredo, Cambre, Oleiros, Sada, Arteixo, Betanzos, Bergondo, Narón, Ames, Teo, Carballo, Oroso, Fene, Miño, Laracha, Ordes, Cedeira, As Pontes, Ribeira, Pontedeume y Boiro.

Ademais, durante 2009 a empresa galega ten intención de dar servizo na Pobra do Caramiñal, Ares, Cabanas, Vimianzo e Carral e chegar, desta maneira, a 10.000 novos fogares e locais empresariais. O investimento destinado á extensión de rede na Coruña nestes cinco concellos mencionados ascende a 6,6 millóns de euros.

Apoio da Consellería de Industria

O operador galego, tras despregar a súa rede nas principais cidades, onde a cobertura dos núcleos urbanos xa é case total, está a acometer o desenvolvemento da súa moderna infraestrutura noutras localidades. A conexión do Concello de Melide á rede troncal de fibra óptica de R enmárcase dentro do acordo asinado entre R e a Consellería de Industria da Xunta de Galicia para que a banda ancha chegue a toda a xeografía galega. Deste xeito, estase logrando que se implanten novas e capaces redes de telecomunicacións nos núcleos rurais e comarcais da nosa comunidade e que se fomente o uso das Tecnoloxías da Información.

Supoño que a nota foi redactada por R xa que continúan a chamar Martín Freire á rúa Alexandre Bóveda (e vén da súa central de prensa), pero entendo que en xullo será cando rematen as obras de R en Melide, no que parece ser un problema de permisos provocado polo feito de que as rúas polas que falta por pasar esta nova infraestrutura están nunha estrada xeral, e non serían de competencia municipal.
¿Alguén dos que len estas liñas tivo a fortuna de probar a conexión de R en Melide? Teño curiosidade por ver cómo é o servizo no rural, pois na Coruña é bastante bo, pero paréceme difícil que manteña ese nivel por toda a xeografía galega.

Comentarios