Parece imposible, pero é certo, que Mauricio fixo unha parodia da canción Don’t Lie dos Black Eyed Peas cachondeándose da mala acollida que está a ter o Windows Vista:
Sen facer de avogado do demo teño que admitir que o Vista está a lembrar ó que pasou co Windows Millennium (ou sexa, que cando se comercializou a xente continuou a utilizar a súa versión anterior, o 98SE) pero nesta ocasión parece que a culpa é dos fabricantes de software e hardware (que non adaptan os seus produtos a tempo) polo que incluso o Vista SP1 (que sairá nuns meses) podería ter moitos dos problemas que presenta Vista.
¿A culpa é de Microsoft? En boa parte non, pero do que si ten moita culpa é da política de licenzas do novo sistema operativo (que chega en moitísimas versións, o que é un caos para os usuarios) e ten uns prezos abusivos. A ver se aprenden un pouco do Mac OS X e sacan un paquete único. Despois, se queren sacar máis cartos, que o fagan co Office 😉
Debe estar conectado para enviar un comentario.