En No Puedo Creer falan hoxe dunha campaña publicitaria de Y & R (coido que data de decembro de 2006) que resulta moi interesante. Descoñezo que servizo é ese de Booksplus, pero está claro que iso de que un libro falle coma unha páxina web parece algo de ciencia ficción, pero podería estar máis preto do que pensamos.
Os problemas que poden dar os novos soporte seguro que van ser toda unha sorpresa, como cando a sensación que temos cando quedamos sen cobertura de móbil durante varias horas no noso domicilio (sen motivo aparente e sen información de ningún tipo por parte da operadora que nos subministra o servizo) ou cando quedamos sen corrente eléctrica. ¿Podería pasar algo semellante cos xornais e libros? ¡¿E cos comics?! Pensar na evolución dos formatos dá unha certa vertixe, especialmente ó ver coma o CD xa está case morto con tan so 25 anos de vida e o VHS xa o temos esquecido… e o DVD promete vivir moito menos que os seus predecesores… ¿Desaparecerán os soportes físicos? Dá a impresión de que si, e que a cultura no futuro estará toda en liña, o que mete o medo no corpo dalgúns, xa que queimar bibliotecas enteiras é algo que se poderá facer con só premer un botón… ou, nalgún caso, por non facer nada (¿quen coida da información dixital?).
18 Agosto, 2007
Debe estar conectado para enviar un comentario.