Voces de Galicia

Hoxe, por mediación de Andrés Milleiro, participei en Voces de Galicia en Radiovoz (permitese berrar “Fuck” ós zappineiros que estean a ler isto), de xeito que coñecín a Isidoro Valerio, aínda que o que me fixo máis graza da xornada foi cruzarme na porta con Pablo Portabales mentres estaba a falar por teléfono co único, o irrepetible e inimitable El Parga, artista ó que tiven a honra de coñecer mentres participaba na xira promocional da película El Ekipo Ja (coido que fun moi friki ó pasar olimpicamente dos actores máis coñecidos da peli e botarme ó Parga coma se fose unha estrela de Hollywood).
Deixando frikadas aparte, aínda que a experiecia foi boa, teño que recoñecer que o formato do debate me deixou algo descolocado, pois participabamos moitos e se trataron moitísimos temas, como podedes escoitar a continuación:

Non agardaba atopar tantas voces a favor do meu discurso contra os manuais de instruccións incomprensibles (coido que o tema lle tocou a fibra sensible a máis de un) e temo que asuntos como a televisión de alta definición ou o acceso á Internet darían para un debate enteiro (especialmente ó ser tanta xente que podía achegar perspectivas diferentes) pero se o queren facer así supoño que será para non aburrir á xente que non queira temas en profundidade (que igual os deixan para programas como Al Final del Día ou La Voz de la Empresa).

Comentarios