Para o verán de 2013 agárdase a estrea da película de Guillermo del Toro Pacific Rim, que esta semana estreou trailer en español (o que perde parte do seu encanto, pois en versión orixinal contaba coa voz de GLaDOS) e ten unha pinta estupenda, non como unha boa película, senón como a obra palomiteira do ano que claramente busca tomar o relevo das películas dos Transformers (a semellanza en efectos visuais e sonoros é innegable) pero eu quixera reivindicar que realmente estamos ante unha película que poderiamos considerar como unha versión moderna de Mazinger Z (ou de Evangelion) pois bebe directamente dos clásicos da animación xaponesa, con mechas
xigantes controlados por humanos para enfrontarse a monstros tamén xigantescos. Iso si, cando saia o primeiro deses bechos na película eu serei un dos que estea dicindo en voz alta “Babura, Babura…” como no episodio de South Park da Mecha-Streisand.
Debe estar conectado para enviar un comentario.