Este serán xuntámonos no Hotel Tryp Coruña uns entusiastas das redes sociais para compartir pareceres no primeiro Eats & Twitts que se celebra na cidade (e o terceiro en Galicia), de xeito que mesturábase a presenza típica de eventos tecnolóxicos con outras persoas cun perfil máis light, o que sempre resulta enriquecedor.
Non faltaban auténticas figuras da Internet galega coma o coñecido blogueiro Carlos Calidonia Neira, o empresario Manuel Pan de Abertal (compañía que leva xa 14 anos traballando nisto da web) e Alfonso Freire, organizador de Compostweets.
Precisamente con Alfonso coincidín na mesa que levaba por nome Timeline, e pese a que a asignación de mesa foi ao azar (nós mesmos sacamos dunha bolsa o papel que dicía onde tiñamos que sentarnos), xuntámonos unha chea de asistentes ao Compostweets, de xeito que puiden continuar a conversa que tivera con Alfonso neste mesmo espazo. En persoa fálase moito mellor dese tipo de cousas.
Pero na mesa Timeline non só coincidimos asistentes ao Compostweets, senón que tamén cadrou que era unha mesa libre de iPhones, o que tiña bastante mérito se temos en conta a cantidade de fanboys de Apple que hai no sector.
Jesús López (ao que perdoamos que tivese unha BlackBerry como segundo teléfono… por motivos laborais), Alfonso Freire, Iván Omar, Iván Fociños (que prestaba unha atención impresionante ao seu móbil), Javier Rocamora e un servidor eramos o bando dos androides, mentres que outras mesas a cousa era moi distinta:
Coido que agora, para ser cool o que hai que facer é non ter teléfono, ou usar algo que sexa totalmente distinto ao habitual para dar un pouco a nota. Así eu non teño que pensar que Rocamora mangou o meu teléfono: 😉
Pero deixando a un lado a guerra móbil, o encontro foi interesante, e contribúe a pór cara a xente á que un segue en Twitter ou Facebook (como a Irene Tomé de Europublic e María Mosquera de PéZcalo). Haberá que apuntarse a futuros encontros noutras cidades galegas.
Debe estar conectado para enviar un comentario.